Funsionáriu na'in-25 tuir formasaun hosi INAP ne'ebé hala’o iha Vila Nova, Baucau, segunda (30/05). Imajen Tatoli/Natalino Belo.

BAUCAU, 30 maiu 2022 (TATOLI) – Institutu Nasionál ba Administrasaun Públika (INAP) segunda ne’e, fasilita formasaun ba funsionáriu na’in-25 kona-ba administrasaun jestaun eskritóriu iha munisípiu Baucau.

Diretór Nasionál Formasaun Kualifikasaun Profisionál INAP, José de Araújo Chan, espera formasaun refere bele aumenta funsionáriu sira-nia koñesimentu nune’e halo atendimentu ne’ebé di’ak ba públiku.

“Ita kapasita sira hasa’e eleva sira-nia koñesimentu, balun foun foin mak mai karik, balun halo tiha área seluk agora muda fali mai area seluk, ne’e tenke formasaun,” Diretór Nasionál Formasaun Kualifikasaun Profisionál INAP hateten iha Vila Nova, segunda ne’e.

Matéria importante iha formasaun refere hanesan jestaun atendimentu, komunikasaun, koordenasaun, jesatun privadu, korrespondénsia halo karta ofisiál no jestaun arkivu.

Formasaun refere sei hala’o durante loron-lima ho objetivu atu eleva funsionáriu sira-nia koñesimentu iha área jestaun eskritóriu nune’e bele halo atendimentu públiku ho di’ak liután.

Funsionáriu hamutuk na’in-25 refere kompostu hosi protesaun sivíl, siguransa patrimóniu públiku no bombeiru.

Partisipante Agustinho Belo, funsionáriu hosi siguransa sivíl sente kontente tanba bele eleva koñsimentu no abilidade atu halo atendimentu di’ak ba komunidade sira no halo serbisu di’ak liután iha futuru.

Jornalista    : Natalino Belo

Editór          : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here