Veteranu Munisipiu Ainaro, Julio Conceicao 'Loro Mesak'. Imajen/ Nelson Sousa.

COVALIMA, 30 maiu 2022 (TATOLI)–Governu liuhosi Sekretáriadu Estadu ba Asuntu Kombatente Libertasaun Nasionál sei harii jardin eroi iha aldeia Aidantuik, suku Beco, postu administrativu Suai Vila, munisípiu Covalima.

“Ha’u mai primeiru atu haree rai hodi harii jardin eroi Covalima nian, tanba foin lalais enjineiru sira haree ona rai no agora lori enjineiru sira sukat iha tempu besik bele loke konkursu hodi hahú halo konstrusaun,” Sekretáriu Estadu ba Asuntu Kombatente Libertasaun Nasionál, Júlio da Conceicão “Loro Mesak”, hato’o liuhosi nia diskursu bainhira halo abertura verifikasaun dadus ba kandidatu veteranu, iha aldeia Aidantuik, suku Beco, segunda ne’e.

Mnisípiu Covalima iha jadin eroi ne’ebé lokaliza iha aldeia Lokeu Foho, suku Debos maibé jadin eroi ne’e la sufisiente presiza harii tan, tanba eroi matir sira iha Covalima barak entaun presiza harii tan jadin foun.

“Jardin eroi tuan iha, tanba ita-nia eroi iha Covalima barak loos, entaun fatin ne’e labele ita haree fali fatin foun. Tanba iha fatin ida-ne’e ha’u rasik hanesan asistente regiaun IV nian ho ha’u nia soldadu sira ami sempre tama sai iha fatin ida ne’e” nia informa.

Prezidente Ekipa Verifikasaun, Francisco Doutel “Lamesak”, hateten Governante ne’e nia prezensa atu haree rai hodi jardin eroi iha Covalima ba matires no veteranu sira-nia rate.

“Atu harii jadin eroi ida-ne’e, antes ne’e, iha ha’u-nia mandatu ha’u rasik mós ko’alia ho eis xefe suku ho lia-na’in sira. Ha’u agradese ba ita-nia inan aman sira, ita atu harii jadin eroi,” nia hateten.

Molok tinan ne’e ramata, nia dehan, bele konstrui ona jardin eroi hodi bele kria kampu traballu ba joven sira.

Antes ne’e, iha 04 fulan-dezembru tinan 2021, xefe komisaun rekola restu mortál, Sebastião Guterres, informa munisípiu Covalima espesiál iha postu administrativu Maucatar, komisaun rekolla ona restu motál hamutuk 773.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here