Veteranu Munisipiu Ainaro, Julio Conceicao 'Loro Mesak'. Imajen/ Nelson Sousa.

COVALIMA, 30 maiu 2022 (TATOLI)–Sekretáriu Estadu ba Asuntu Kombatente Libertasaun Nasionál Júlio da Conceicão “Loro Mesak”, hateten Governu sei forma ekipa verfikasaun dadus ba veteranu sira-ne’ebé naran taka sai grau 4-7 maibé lakohi simu osan.

“Dadus pendente rejista 2003 ho 2005, la kleur tan, ita sei forma ekipa hodi buka hatene ema sira-ne’ebé mak uluk nia naran taka sai veteranu grau 4-7 maibé lakohi simu osan, ita sei entrevista sira hodi buka hatene,” Júlio da Conceicão “Loro Mesak” hato’o liuhosi nia diskursu bainhira halo abertura verifikasaun dadus ba kandidatu veteranu, iha suku Beco, postu administrativu Suai Vila, segunda ne’e.

Razaun forma ekipa verfikasaun atu buka hatene maske naran taka sai no osan mós iha ona lakohi foti osan, parese nia la konkorda buat ruma tanba ne’e nia deside lakohi simu osan.

Hafoin ekipa reverifikasaun dadus ba kandidatu veteranu ne’ebé rejistu iha 2009 Governu mós sei forma ekipa reverifikasaun ba veteranu grau 4-7, ne’ebé lakohi simu osan no sei loke tan rejistu foun ba inan-aman sira-ne’ebe mak seidauk konsege rejistu.

Governante ne’e apela, atu prepara an loron ida ekipa ida sei mai fali hafoin reverifikasaun dadus 2009, Governu sei loke tan rejistu foun ba inan-aman sira-ne’ebé mak sei konsege rejistu tanba laiha tempu.

Aleinde ne’e, nia husu ba responsavel sira tau sees interrese partidu politiku tanba eleisaun prezidensiál liu-ona, ho nune’e tau veteranu iha oin hamutuk hodi haree inan-aman sira-nia futuru ba oin.

Antes ne’e, ekipa Komisaun verifikasaun dadus veteranu finaliza ona halo verifikasaun ne’ebé rejista iha tinan 2009 iha postu administrativu Fatumea, Fatululik, Fohorem, Tilomar no postu administrative Zumalai

“Ekipa finaliza ona halo verfikasaun dadus kandidatu veteranu hamutuk na’in-9,963 ne’ebé atinje ona 48%,” nia dehan.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here