Xefe suku Macadique, Afonso dos Reis. Imajen Tatoli/Vitorino Lopes.

VIQUEQUE, 29 maiu 2022 (TATOLI) – Xefe suku Macadique, postu adiministrativu Uatulari, munisípiu Viqueque, Afonso de Reis, fó-sai katak natar kuaze ektare 200 abandona hosi agrikultór sira tanba impaktu hosi mudansa klimátika.

“Mudansa klimátika ne’ebé iha tinan ida-ne’e, akontese udan la mai, entaun bee laiha nune’e époka daruak nian ne’e ita-nia povu agrikultór sira abandona natar parte Macadique ektare 200-resin labele halo natar tanba difikulta hosi bee”, Afonso de Reis, inform aba Agência Tatoli, iha Beloi, domingu ne’e.

Xefe suku ne’e hatutan, kondisaun irrigasaun Saekitu ne’ebé liga ba natar ne’e sei di’ak, maibé bee maka ladún, ho ida-ne’e maka komunidade labele halai natar ne’ebé iha époka daruak nian.

“Totál natar iha suku Macadique hamutuk ektare 469 no 200 maka daudaun abandona, kondisaun irrigasaun sei di’ak maibé bee maka laiha. Udan la tún oinsá maka bele iha, ne’ebé produsaun haree iha tinan ida-ne’e sei menus,” nia katak.

Nia husu governu liuhosi Ministériu Agrikultur no Peska (MAP) presiza halo manutensaun ba irrigasaun sira-ne’ebé iha, nune’e bele distribui bee ba natar.

“Governu presiza prevee orsamentu hodi halo manutensaun ba irrigasaun sira, liuliu irrigasaun sira iha postu Uatulari.  Keta irrigasaun aat karik bele hadi’a, hodi distribui ba natár,” nia  sujere.

Nia dehan, polítika governu anteriór nian distribui tratór boot hamutuk 39 no tratorista mós na’in-39, maibé husi tratór 39  ne’e hela ualu maka funsioná. Entaun tratorista na’in-ualu ne’e maka halo serbisu, agora tratór sira seluk manán de’it osan.

“Entaun  kondutór sira-ne’e la serbisu ne’e manán de’it osan tanba ne’e MAP  presiza halo analiza ba kondutór tratór boot sira-ne’e,” nia hato’o.

Notísia relevante:http://www.tatoli.tl/2022/02/22/trator-boot-iha-viqueque-ho-kondisaun-diak-iha-12/

Jornalista   : Vitorino Lopes da Costa

Editór         : Evaristo Soares Martins

PUBLISIDADE HUSI MTCIiklan

1 KOMENTÁRIU

  1. Hau nudar juven,fo sujstaun ba ukun nain Sira no menisterio AGRIKULTURA ,Pescas,SE krik bele kada tinan osamentu jeeral nebe Mak aprova husi PN no Governu,bele ou Lae? osamentu hirak ne ble aloka setor AGRIKULTURA iha Timor Leste,kada tinan Ida dezemvolve munisipio Ida .Hnesan maliana ,suai ,manatutu ,bacu NST ,nbe husik abndona Hela deit.
    Konklusaun .

    1.

HAKEREK NO HATÁN

Please enter your comment!
Please enter your name here