Ekipa selesaun nasionál U-23 Timor-Leste ho naran istimadu “Lafaek”. Imajen/Hortencio Sanchez

QATAR, 28 maiu 2022 (TATOLI)– Ekipa selesaun nasionál U-23 Timor-Leste ho naran istimadu “Lafaek”,  sei hala’o jogu amigavél kontra selesaun nasionál U-23 Nepal nian hodi koko forsa durante Training Camp (TC) iha Qatar. 

“Hala’o treinamentu iha rai li’ur ne’e importante tebes ba jogadór Timor-Leste tanba iha ne’ebá laiha liga ne’ebé la’o, entaun mai halo treinamentu iha ne’e halo mós jogu amigavél,  nune’e jogadór sira bele iha esperiénsia jogu,”  Treinadór prinsipál selesaun nasional U-23 Fabio Maciel da Silva ba Agência TATOLI iha Qatar, sábadu ne’e.

Tuir nian, daudaun ekipa ne’ebé nia-lidara di’ak tebes ona no rezultadu mak sei haree iha jogu ne’ebé kontra Nepal atu prepara liu ba jogu amigavel kontra Kamboja tuir kalendáriu Federation International  Football Assosiation (FIFA) fó sai ona.

“Ita iha jogadór ho idade kiik sira hanesan ne’e ita tenke prepara halo di’ak tanba sira mak futuru futeból Timor–Leste nian. Entaun iha jogu kontra Nepal sira tenke hatudu performe ne’ebé di’ak atu konkista Vitoria,” nia dehan.

Jogu ba ekipa rua ne’e sei hala’o iha Estádiu Nasional Al Arabi sports club Qatar tuku 07:00. 

Ho preparasaun ne’ebé di’ak treinadór Brazilleru ne’e fiar sei hetan vitoria iha jogu ne’e atu hatudu jogu di’ak no manán Kamboja. 

Jornalista: Hortencio Sanchez

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here