Idózu no ema ho difisiente simu subsídiu iha sukursál BNCTL, iha Dili. Imajen TATOLI/António Gonçalves.

DILI, 27 maiu 2022 (TATOLI)-Prezidente Konsellu Administrasaun Institutu Seguransa Sosiál (INSS), Longuinhos Armando Leite, hateten tuir planu Primeiru-Ministru, Taur Matan Ruak maka sei lansa pagamentu ba subsídiu idozu no invalidéz $50 iha postu administrativu Cailaco Munisípiu Bobonaro iha fulan-juñu 2022.

“Pagamentu ba idozu ho invalidéz sa’e ona $50, ita iha planu atu Primeiru-Ministru, Taur Matan Ruak, ofisialmente sei lansa tanba iha juñu osan ne’e sa’e ona ba $50,” Longuinhos Armando Leite ba Agência TATOLI, via telefónika, sesta ne’e.

Notísia Relevante :INSS prontu implementa subsídiu idozu $50 ne’ebé PR promulga ona

Nia dehan, maske INSS propoin ona atu Xefe Governu maka halo lansamentu hodi selu idozu no invalidéz sira iha munisípiu fronteira ne’e,  maibé to’o agora seidauk hetan konfirmasaun husi Gabinete Primeiru-Ministru nian.

Entretantu, totál benefisiáriu ba subsídiu idozu no invalidéz iha etapa dahuluk tinan 2022 hamutuk 93.000-resin.

Jornalista :Osória Marques

Editór : Agapito dos Santos

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here