Diretòr Servisu Agrikultura Munisípiu Covalima, Domingos Gusmão. Imajen Tatoli/Celestina Teles.

COVALIMA, 27 maiu 2022 (TATOLI)–Servisu Agrikultura no Peska Covalima (SAMC), estabelese ona sentru peskadór 15 pa peskadór sira iha postu administrativu haat iha munisípiu Covalima ne’ebé loro-loron hala’o sira-nia atividade peska iha tasi laran.

Diretór Servisu Agrikultura no Peska Covalima, Domingos Gusmão, hateten sentru peskadór 15 ne’e, Governu sei estabelese iha postu administrativu Tilomar, Suai Vila, Maucatar no postu administrativu Zumalai.

“Ami estabelese ona sentru peskadór 15 iha postu administrativu haat ne’ebé rejista peskadór na’in-583 mak hala’o knar   nu’udar peskadór iha munisípiu covalima,” Domingos Gusmão  informa ba Agência Tatoli ,iha nia kna’ar fatin, tabako-lot, sesta ne’e.

Aleinde estabelese sentru peskadór, SMAC mós rejista peskadór na’in-583 ne’ebé hosi postu administrativu Tilomar iha peskadór na’in-127, Suai Vila 287, iha Maucatar iha 62 no  iha postu  administrativu Zumalai iha peskadó na’in-107 ne’ebé hala’o sira-nia knar loro-loron hanesan peskadór.

Peskadór sira-ne’e halo atividade peska iha munisípiu covalima uza bero kiik-oan ne’ebé halo hosi ai hamutuk 301 ne’ebé Governu mós apoiu mákina ho marka Yamaha tolu (3), ketiting 62, kail mono unidade 1670 no kail rool 1196.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here