Inspetór Jerál no Prezidente Komisaun Monitorizasaun no Fiskalizasaun ba Implementasaun Medida Sosio-Ekonomia MESSK, Higino Alves. Imajen Tatoli/Francisco Sony

DILI, 27 maiu 2022 (TATOLI)—Institutu Ensinu Superiór Privada no Públika (IESPP) 17 submete ona relatóriu ezekusaun ne’ebé realiza durante loron-90, pagamentu inzensaun propina semestre par, ba Ministériu Ensinu Superior Siénsia no Kultura (MESSK), maibé falta Universidade de Dili (UNDIL) mak seidauk.

“UNDIL promete ona mai ita atu submete relatóriu finál, maibé ita hein to’o agora seidauk haruka de’it mai. Enkuantu, Universidade Nasionál Timor-Lorosa’e (UNTL) haruka ona mai no lista ne’ebé ita rekolla, iha Institutu Ensinu Superiór 17 mak submete ona sira-nia relatóriu, falta de’it UNDIL,” Inspetór Jerál no Prezidente Komisaun Monitorizasaun no Fiskalizasaun ba Implementasaun Medida Sosio-Ekonomia MESSK, Higino Alves, informa ba Agência Tatoli, iha ninia knaar fatin, edifísiu MESSK, Colmera, sesta ne’e.

Notísia relevante: Inspesaun Jerál MESSK verifika relatóriu izensaun propina hosi IESPP 18

Orsamentu ne’ebé Governu transfere ba IESPP sira hodi halo pagamentu izensaun propina ba estudante 66.106 hamutuk $5.428.394 iha IESPP 18, maibé bazeia ba dadus provizóriu hatudu katak IESPP 17 utiliza osan ho montante $3.595.391.

IESPP 17 ne’ebé ezekuta ona pagamentu izensaun propina ba estudante maka Instituto Católico a para Formação de Professores (ICFP) iha estudante 219 hetan transferénsia $41.850 konsege ezekuta pagamentu propina 100%, Instituto Ciência Religiosa (ICR) totál estudante 250 simu transferénsia osan $35.000, ezekuta $34.580 ba estudante 247, enkuantu estudante tolu lakon direitu, ho nune’e osan $420 haruka fali ba kofre Estadu.

Institutu Politékniku Betanu (IPB) hetan transferénsia osan $78.820 atu ezekuta ba estudante hamutuk 368 maibé estudante 285 de’it mak hetan direitu ba orsamentu $43.350, ho nune’e estudante na’in-55 lakon direitu no tenke devolve fali osan $522, Instituto Profissional de Canossa (IPDC) iha totál estudante 303 hetan direitu ba orsamentu $45.450, maibé iha ezekusaun gasta de’it $43.350 hodi halo pagamentu ba estudante 285, ho nune’e estudante 14 mak lakon direitu, ne’e duni tenke devolve filafali osan $2.100.

Alende ne’e, UNITAL hetan transferénsia osan $603.165 atu halo pagamentu ba estudante 8.054, maibé to’o iha ezekusaun gasta de’it $253.720 ba estudante 2.669, enkuantu estudante 5.385 lakon direitu no universidade tenke devolve filafali osan $349.445, East Timor Coffee Institute  (ETCI) ho ninia totál estudante 1.130, simu transferénsia fundu $125.800, maibé ezekuta de’it ba estudante 965 ho totál osan $107.480.00, enkuantu estudante 165 lakon direitu, ho nune’e tenke devolve fali osan $18.320.

Instituto Filosófico de São Francisco de Sales (IFFS) hetan transferénsia $16.200.00 ba estudante 108, maibé ezekuta de’it $15.750 hodi selu estudante 105, enkuantu estudante tolu lakon direitu ho nune’e devolve fali osan $450, Instituto de Filosofia e da Teologia (ISFIT) hetan transferénsia $62.984 atu selu estudante 436, maibé ezekuta osan $57.914 hodi selu estudante 397, enkuantu estudante 39 lakon direitu, instituisaun tenke devolve fali osan $5.070, Instituto São João de Brito (ISJB) iha totál estudante 306, hetan transferénsia $45900.00 konsege ezekuta 100%.

Institute of Technology (IOB) simu transferénsia $618.580 ba estudante 4.361, maibé ezekuta de’it $422.825 ba estudante 2.906, enkuantu estudante 1.455 lakon direitu, ho nune’e osan $195.755 tenke devolve fali, Dili Institute of Technology (DIT) hetan transferénsia $552.726 atu selu estudante 3.775, maibé gasta de’it $380.660 ba estudante 2.624, signifika estudante 1.602 lakon direitu no osan $172.066 tenke devolve fali.

Institutu Superiór Cristal (ISC) ninia totál estudante 3.545, simu transferénsia osan $475.445, maibé instituisaun ezekuta de’it $288.080 ba estudante 1.970, ho nune’e estudante 1.575 lakon direitu no osan $187.365 tenke filafali ba kofre Estadu, Institutu Boaventura Timor-Leste (IBTL) iha estudante 80, hetan transferénsia osan $6.000, ezekuta de’it $3.075 ba estudante 41, enkuantu estudante 39 lakon direitu, ho nune’e osan $2.925 filafali ba kofre Estadu.

Instituto Ciencia da Saúde (ICS) iha estudante 2.548, simu transferénsia osan $382.200, ezekuta $345.000 ba estudante 2.300, enkuantu estudante 248 lakon direitu, ho nune’e osan $37.200 tenke devolve fali, João Saldanha University (JSU) iha estudante 56, simu transferénsia osan $8.400, konsege ezekuta $7.650 ba estudante 51, enkuantu estudante lima lakon direitu, ho nune’e osan $750 tenke filafali ba kofre Estadu.

Universidade da Paz (UNPAZ) iha estudante 9.167, simu transferénsia osan $1.152.835, ho ezekusaun $1.100.630 ba estudante 8.758, ho nune’e estudante 409 lakon direitu no osan $52.205 filafali ba kofre Estadu, UNTL iha estudante 27.438 simu transferénsia osan $808.395, ezekuta de’it $439.625.00 ba estudante 16.510, enkuantu estudante 2.368 lakon direitu, ho nune’e osan $69.490 tenke devolve.

Ikus liu, UNDIL iha estudante 3.90, simu transferénsia osan $439.460 maibé to’o agora seidauk submete relatóriu ezekusaun.

Jornalista : Tomé Amado

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here