Dionísio de Jesus Lopes.

Hosi:

Dionisio de Jesus Lopes

 

Bainhira nakukun tranforma-an ba naroman,

Hó Inan-nia matenek…

Inan ajuda kria mata-dalan lia-lo’os nian

Hodi tesi lia ba lala’ok ema hotu nian.

Inan nia serbisu furak oi-oin,

Manu lín sira tau matan.

Asu fuik sira sé tilun

Udan-been sira sura.

 

Oras to’o surat tahan sani,

Inan-nia serbisu furak.

Harii infernu rua ba aileba sira,

Sosa roupa ba aileba sira-nia aman haki’ak sira.

Inan fiar katak surat tahan aat,

Nia aman ho nia-oan sira

Bosok…

Manobra lialo’os…

Inan sente laran triste,

Inan informa ba saun Pedro.

Iha lalehan kona-ba sira-nia serbisu

Hafo’er inan-nia serbisu furak oi-oin.

Saun Pedro nia liman-ain sira

Buka rona…

Estuda…

Analiza…

 

Tempu to’o ona…

Inan atu ba hatán iha saun Pedro

Kona-ba inan nia serbisu furak sira.

Bele kala’e inan esplika buat ne’ebé lo’os?

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here