Sekretáriu Estadu Ambiente, Demétrio do Amaral de Carvalho, entrega sertifikadu lisensa ambientál ba responsável empreza, iha Acait, kinta (27/05). Imajen/SEA

DILI, 26 maiu 2022 (TATOLI)–Sekretaria Estadu Ambiente (SEA), kinta ne’e, atribui serfifikadu lisensa ambientál ba empreza públika no privada hamutuk 35.

“Empreza sira ne’ebé hetan lisensa abmientál ne’e ba kategoria oinoin hanesan konstrutrora ba estrada Baucau, Viqueque, Ermera Tocoluli, Liquiçá Bazartete no estrada rurál inklui projetu ofisina, otél restaurante hamutuk,” Sekretáriu Estadu Ambiente, Demétrio do Amaral de Carvalho, hateten ba Agência Tatoli iha ninia knaar fatin, Acait.

Notísia relevante: Tinan ne’e, ANLA atribui ona lisensa ambientál ba empreza 80

Nia dehan, hahú hosi tinan 2019 to’o ohin loron SEA emite ona lisensa sertifikadu ambientál ba empreza sira hamutuk 608.

“Ba tinan ida-ne’e, hosi janeiru to’o agora ita emite ona lisensa ambientál iha área oioin ba empreza hamutuk 144,” nia akresenta.

Antes empreza sira atu simu sertifikadu lisensiamentu sira tenke hatudu dokumentu ba Autoridade Nasionál Lisensa Ambientál (ANLA) hodi hetan autorizasaun.

Iha fatin hanesan, Diretór ANLA, António Lelo Taci, dehan, autoridade tutela atribui ona sertifikadu lisensa ambientál ba projetu sia hosi Ministériu Obra Públika (MOP) hodi halo reabilitasaun estradas nasionál to’o rurál inklui ba Ministériu Agrikultura no Peska (MAP) ba projetu irrigasaun.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here