Diretòr Servisu Agrikultura Munisípiu Covalima, Domingos Gusmão. Imajen Tatoli/Celestina Teles.

COVALIMA, 25 maiu 2022 (TATOLI)—Servisu Agrikultura no Peska iha Covalima (SAMC) rejista unidade kolan ikan hamutuk 256 iha postu administrativu hitu iha Munisípiu Covalima.

“Ita ko’alia kona-ba peska ne’e oin rua mak hanesan peska iha tasi no mós grupu sira-ne’ebé iha inisiativa hakiak ikan iha kolan ikan hamutuk 256 ho nia medida metru kuadradu 22,822, iha postu administrativu sira ne’ebé pertense iha munisípiu Covalima,” Diretór Servisu Agrikultura no Peska ne’e informa ba Agência Tatoli iha nia knar fatin, Tabako-lot, kuarta ne’e.

Postu administratvu sira-ne’ebé hakiak ikan ho tipu ikan nila mak hanesan postu administrativu Tilomar ne’e iha suku Lalawa unidade kolan ualu (8) ho nia medida metru kuadradu 525, Beiseuk rua (2) ho medida kolan metru kuadradu 24, Maudemo unidade kolan rua (2) ho medida metru kuadradu 51 no suku Casabauc unidade kolan ida (1) ho medida metru kuadradu 39.

Aeinde ne’e mós iha postu Maucatar iha suku Holpilat unidade kolan ikan haat (4) ho nia medida metru kuadradu 62.

Iha postu administrativu Fohorem iha Suku Dato Tolu unidade kolan 38 ho medida metru kuadradu 3578, suku Dato Rua unidade kolan 19 ho nia medida metru kuadradu 1413, suku Fohorem unidade kolan 10 ho medida metru kuadradu 663, Lactos iha kolan 42 ho medida metru kuadradu 5400.

Iha postu administrativu Fatululik, iha suku Fatululik ne’e iha unidade kolan 53 ho medida metru kuadradu 3672, Taroman iha unidade kolan 36 ho medida metru kuadradu 1538.

Aleinde ne’e, iha postu administrative Fatumea, iha suku Fatumea unidade kolan rua (2) ho medida metru kuadradu 12, suku Nanu unidade kolan hitu (7) ho medida metru kuadradu 155, postu administrativu Zumalai iha suku Lepo iha unidade kolan rua (2) ho medida metru kuadradu 50, iha suku Lour ne’e iha unidade kolan haat (4) ho medida metru kuadradu 80.

Iha postu administrativu Suai Vila, iha suku Suai Loro unidade kolan 23 ho medida metru kuadradu 5475, suku Debos iha unidade kolan rua (2) ho medida metru kuadradu 65 no suku Beco iha unidade kolan ida (1) ho nia medida metru kuadradu 20.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here