Ministru Ensinu Superiór Siénsia no Kultura, Longuinhos dos Santos. Imajen Tatoli/Francisco Sony

DILI, 25 maiu 2022 (TATOLI) –  Ministériu Ensinu Superiór, Siénsia no Kultura (MESSK) daudaun ne’e halo hela esforsu ho Ministériu Finansa atu hetan verba ruma kona-ba fundu hodi apoia estudante na’in-17 ne’ebé konfirmadu atu fila-fali ba kontinua estudu iha Xina.

“Ita halo hela esforsu liuhosi karta formál ne’ebé ita haruka ona ba Ministériu Finansas atu hetan ninia solusaun, tanba ita simu ona informasaun katak iha estudante hamutuk 17 maka posibilidade hetan ona konfirmasaun atu fila-fali ba Xina hodi kontinua sira-nia estudu tanba ne’e maka ita buka hela verba ida-ne’e atu apoiu orsamentu ba sira,” Ministru Longuinhos dos Santos ba jornalista sira iha Palásiu Governu, kuarta ne’e.

Longuinhos dehan, MESSK laiha verba orsamentu hodi apoia estudante sira tanba ne’e mak husu apoia ba Ministériu Finansa.

Membru governu ne’e esplika estudante bolseiru timor-oan 200 ne’ebé eskola iha Xina ne’e fila mai iha timor relasiona ho Covid-19, balun mai tanba vizita família, balun antes COVID fila uluk ona mai Timor no seluk fali tanba COVID mak sira husu fila mai Timor.

Jornalista   : Tomé Amado

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here