Orariu Kulifikasaun Copa Azia U-17. Imajen/espesial

QATAR, 24 maiu 2022 (TATOLI) – Tuir rezultadu ne’ebé fó sai ona hosi Asian Football Confederation (AFC) nasaun hamutuk 44 mak sei partisipa iha eventu internasional ne’e.

Hosi total nasaun 44 ne’e fahe ba grupu A too J ne’ebé kada grupu nasaun lima, balun haat no Timor-Leste okupa iha grupu H hamutuk ho Tajikistan, Afganistan no Mongolia.

Kualifikasaun Kopa Ázia ne’e sei realiza iha nasaun Baharain iha tinan 2023.

Adjuntu Sekretáriu JerÁl Federasaun Futeból Timor-Leste (FFTL), Frederico Martins, informa ekipa Timor-Leste hahú daudaun halo ona preparasaun másimu liuhosi treinamentu tékniku no fíziku iha nasaun Qatar.

“Kona-ba preparasaun ekipa agora la’o hela tempu besik sei ba halo Training Camp (TC) iha Korea molok partisipa iha ASEAN Football Federation (AFF) U-16 Championship 2022 iha Indonézia hahú juñu too jullu. Ekipa ne’e mak sei dezloka ba Baharain iha 2023,” Sekretáriu Jerál Frederico hateten ba Agência TATOLI, tersa ne’e.

Nia dehan, Treinadór ba ekipa ne’e mak Mr. Kim Shinhwan, hanesan treinadór legendáriu ne’ebé koñesidu tebes iha Timór.

“Ita bolu Mr. Kim tanba husi nia liman malirin mak prodús jovem futebolista barak no ho naran mós hahu kedas husi jogador seniór sira to’o juniór, esperansa ita nian mak ita bele hakat liuhusi faze grupu hanesan kampiaun grupu no bele hakat ba Baharain iha tinan 2023,” nia dehan.

Nasaun hirak ne’e mak iha grupu A kompostu hosi, Japaun, Jordan, Siria, Filipina no Turkmenistan.  Grupu B kompostu Indonézia, Malázia, Palestina, GUAM no UAE.  Grupu C Oman, Iraq, Qatar, Lebanon no Baharain.

Enkuantu grupu D mak India, Saudi Arabia, Myanmar, Maldives no Kuwait no grupu E mak Yemen, Bangladesh, Singapura no Bhutan.  

Grupu F mak Thailandia, Vietname, Xina Taipe no Nepal. grupu G Australia, Xina PR, Kambodia no nasaun ida sei iha prosesu nia laran.

Grupu I kompostu hosi Iran, Hong-Kong, Kyrgyz Republic no Laos.  Grupu J mak Repúblika Korea, Brunei Darusalam, Uzbekistan no Sri Lanka.

Jornalista: Hortencio Sanchez

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here