Plenária Parlamentu Nasionál. Imajen Tatoli/António Gonçalves.

DILI, 24 MAIU (TATOLI)—Meza plenária Parlamentu Nasionál, tersa ne’e, liuhosi reuniaun plenária baixa projeitu-lei ida no proposta-lei rua ba komisaun espesializada sira.

Admisaun no baixa ba Komisaun G ne’ebé trata asuntu Edukasaun, Kultura no Sidadania ho Komisaun A trata asuntu Justisa no Konstituisional ba projeitu Lei númeru 41/V(4a)-kona-ba Kódigu Direitu Autór.

Anúnsiu admisaun no baixa ba Komisaun A ba proposta Lei númeru 37/V(4a)-kona-ba Kódigu Rejistu Sivíl.

No Komisaun F, trata asuntu Saúde, Seguransa Sosiál no Igualidade Jéneru no Komisaun A ba proposta lei númeru 39/V(4a)-segundu alterasaun lei Sistema Saúde.

“Nune’e ita baixa projetu-lei no proposta-lei alterasaun hirak ne’e ba Komisaun sira,” Prezidente Parlamentu Nasionál, Aniceto Longuinhos Guterres Lopes, deklara iha sala plenária.

Nune’e, komisaun sira sei halo relatóriu paresér durante loron 30 hodi aprezenta mai iha plenária ba diskusaun tuir mai.

Kona-ba konteúdu projeitu lei no proposta alterasaun lei PN seidauk fó sai detallu tanba komisaun sei halo relatóriu paresér.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here