Diretora Jerál CNR, Veroronica das Dores. Imajen tatoli/Celestina Teles.

COVALIMA, 24 maiu 2022 (TATOLI)—Centro Nacional Rehabilitação (CNR) disemina informasaun kona-ba prevensaun sedu no halo reabilitasaun ba ema ho defisiénsia fízika iha postu administrativu Maucatar, munisípiu Covalima.

Diretora Jerál Centro Nacional Rehabilitação (CNR), Veronica das Dores, hateten CNR diseminasaun informasaun ne’e hahú iha loron 23 fulan-maiu no sei finaliza iha 26 fulan-maiu tinan 2022.

“Ohin, ami halo diseminasaun kona-ba prevensaun sedu ba ema ho defisiénsia bele prevene sira-nia moris no ba ema-ne’ebé moras liu-liu labarik kiik no adultu sira, no halo reabilitasaun ba ema ho defisiénsia fízika sira,” Diretora Jerál CNR, Veronica das Dores, informa ba Agência Tatoli, iha sede suku Ogues, postu Maucatar, munisípiu Covalima, tersa ne’e.

Bainhira atu halo prevesaun sedu ne’e, liuhosi mekanizmu disemina informasaun ba komunidade, estudante no envolve mós parseiru dezenvolvimentu sira servisu iha área defisiénsia no autoridade lokál.

Durante CNR disemina informasaun ne’e, komunidade no estudante sira entuziasmu tanba parte saúde no edukasaun servisu integradu oinsá bele identifika no afeta ema ho difisiénsia hetan moras no halo prevensaun.

“Ami halo aprezentasaun detallu kona-ba papél CNR atu halo prevensaun, liuhosi área sira hanesan saúde hodi haree oinsá konsumu ai-han, iha área edukasaun sei haree kona-ba oinsá mak ita bele eduka sira no hases hosi moras,” nia dehan.

Tanba ne’e, nia dehan, atu halo prevensaun ai-han ba ema sira-ne’ebé afeta moras diabetes, kolestról no estroke sira-ne’e presiza halo prevensaun ba sira moras diabetes, parte saúde halo ona prevensaun ba CNR hemu bee barak terapia hodi hakmaan sira-nia moras.

Xefe suku Ogues, Fatustino de Araújo, orgullu bainhira Centru Nacional Rehabilitação (CNR) disemina informasaun kona-ba detensaun, prevensaun sedu no halo reabilitasaun ba ema ho difisiénsia.

“Ami orgullu tanba informasaun ida-ne’ebé atu halo detesaun, durante ne’e ami ladún iha kuñesimentu ba labarik sira ho kondisaun difisiénsia maib’e ita la nota. Liuhosi informasaun ne’e ita bele halo kolaborasaun di’ak oinsá ita bele halo prevensaun antes,” nia hateten.

Tuir dadus ne’ebé iha xefe suku Ogues rejista ne’e, ema ho difisiénsia labarik idade kiik no adultu ne’e hamutuk 40-resin ho tipu difisiensia oioin ne’ebé hetan ona apoiu hosi ministériu relevante ho fasilidade difisiénsia, apoiu ai-han no subsídiu hosi Governu.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here