Ministra Negósiu Estranjeiru no Kooperasaun, Adaljiza Albertina Xavier Reis Magno. Imajen Tatoli/Egas Cristóvão

DILI, 23 maiu 2022 (TATOLI)—Ministra Negósiu Estranjeiru no Kooperasaun (MNEK), Adaljiza Albertina Xavier Magno, informa sei submete ratifikasaun akordu kona-ba mobilidade entre nasaun membru CPLP nian ba Sekretáriu Ezekutivu Comunidade dos Países da Língua Portuguesa (CPLP) liu-liu ho nasaun Portugál.

Notísia Relevante: PN ratifika ona akordu mobilidade entre Estadu membru CPLP

“Ha’u okupadu loos tanba ha’u sei lori tratadu ba Portugál. Bainhira Prezidente Portugál vizita Timor-Leste, ita bele halo ona reuniaun bilaterál primeiru iha Portugál hodi bele fasilita mobilidade entre Timor-Leste no Portugal,” Adaljiza Albertina Xavier Magno deklara ba jornalista sira hafoin halo reuniaun ho embaixadór sira iha nia knar fatin iha Avenida Portugál, Dili, segunda ne’e.

Tuir planu, governante ne’e sei hala’o nia vizita ba Portugál iha fulan-juñu oin mai, no sei halo reuniaun bilaterál hodi ko’alia kona-ba sidadaun Timor-Leste nia preokupasaun kona-ba uza uza pasaporte nasionál bele hala’o servisu iha Portugál, tanba ida-ne’e inklui ona iha akordu mobilidade nian.

Akordu ida-ne’e permite de’it ba sidadaun sira-ne’ebé nasaun CPLP nian no akordu mobilidade ne’e fó ba ema profisionál de’it, maibé Portugál konkorda no prontu atu diskute, sira-ne’ebé la’ós profisionál hanesan la’ós dosente, la’ós peskizadór no la’ós artista mós bele servisu iha Portugál.

Tanba, tuir nia, sei fasilita sirkulasaun povu nasaun membru CPLP tanba rekuñese katak organizasaun sira sei bolu malu hanesan komunidade, se sidadaun nasaun CPLP laiha liverdade tama-sai, ida-ne’e mós hanesan obstakulu ida atu bele halo interasaun

“Ida-ne’e mak ita tenta hela iha akordu ne’e,” nia dehan.

Adaljiza haktuir, mobilidade iha espasu nasaun membru CPLP prepara planu kle’ur ona kuaze tinan 10 atu diskute.

Notísia Relevante: Governu aprova proposta rezolusaun ratifika akordu mobilidade Estadu membru CPLP

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here