Deputada hosi Bankada Partidu Frente Mudansa, Isabel Ximenes. Imajen Zezito Silva

DILI, 23 maiu 2022 (TATOLI)— Deputada hosi Bankada Partidu Frente Mudansa, Isabel Ximenes, hateten iha dekada rua ne´e, Timor-Leste seidauk halo diversifikasaun ekonomia rai-laran, tanba ne´e setór ekonomia sei fraku no sei depende barak liu ba importasaun produtu hosi estranjeiru.

“TL seidauk halo diversifikasaun ekonomia liuhosi riku-soin ne’ebé mak iha, hanesan petroleum, turizmu no agrikultura, tanba seidauk dezenvolve ho di´ak no diversifika didiak atu bele reforsa ekonomia iha rai-laran“, afirma Isabel Ximenes ba Tatoli, iha Parlamentu Nasionál.

Deputada rekorda, bazea ba Orsamentu Jerál Estadu 2022 ho montante bilaun $1.675, iha 27 %, Governu aloka ba 27% maibé produsaun rai laran sempre menus tanba seidauk iha investimentu ne’ebé bo’ot iha área ekonomia.

“durante tinan 20 iha buat barak tebes sei falta, ita nia nasaun sei foun, ita foin hamrik, ita foin dehan la’o, ita seidauk bele halai tuir nasaun bo’ot sira, entaun sei falta buat barak, tanba seidauk iha indústria ne’ebé mak atu bele dezenvolve ita nia ekonomia iha rai laran”, revela Isabel Ximenes.

“ita agora tenke iha produsaun, hanesan mina, ida ne’e esensiál tebes, iha ita nia orsamentu retifikativu, bankada Frente Mudansa fó apoiu bankada UDT ho mós PD,  ami tenta hatama proposta ida, para hanusa Governu tau osan barak ba setór agrikultura hanesan kafe, ne‘e mos d´iak, maibé nesesidade bo’ot liu mak hanusa ita atu rezolve agora folin mina sa’e”, refere.

Nia konlkui, funu entre Rusia ho Ukraina sei fó impaktu ba ekonomi, nune’e Governu tenke foti medida lalais hodi investe makas liu iha setór ekonomi hodi dezenvolvimentu nasaun ida ne’e.

Jornalista : Mirandolina Barros Soares

Editór : Zezito Silva

 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here