Embaixadora Polonia, Beata Stocnyzka, hasoru malu ho Prezidente Repúblika, José Ramos Horta. Imajen/Mídia PR.

DILI, 23 maiu 2022 (TATOLI)—Embaixadora Polonia, Beata Stocnyzka, akompañadu hosi Slalowimir Stanislaw, segunda ne’e, hasoru malu ho Prezidente Repúblika, José Ramos Horta hodi ko’alia kona-ba polítika Polonia ho Timor-Leste iha área ekonómia, eduksaun no saúde.

“Ha’u agradese ba Prezidente Repúblika, José Ramos Horta, tanba bele simu ona ha’u iha ne’e, ha’u iha ne’e semana ida resin ona no ha’u kontente hasoru malu ho ema barak, liu-liu Prezidente Repúblika. Durante enkontru ami ko’alia kona-ba servisu hamutuk no halo dialogu polítika entre Polonia no Timor-Leste iha setór ekonómia, saúde, agrikultura no enerjia,” Embaixadora ne’e hateten ba jornalista sira hafoin hasoru malu ho Prezidente Repúblika, José Ramos Horta, iha Palásiu Prezidensiál Nicolau Lobato, Bairru Pite, Dili, segunda ne’e.

Embaixadora ne’e fó esperansa atu servisu hamutuk ho Timor-Leste iha setór oioin hanesan iha formasaun no estudu vokasionál no Poloina sei ajuda atu halo melloramentu edukasaun iha Timor-Leste.

Aleinde ne’e, nia hateten eleisaun prezidensiál iha Timor-Leste sai hanesan ezemplu di’ak hosi demokrásia avansada, tanba mundu tomak haree katak eleisaun iha Timor-Leste di’ak ho susesu no orgullu ho dezenvolviementu Timor-Leste nian.

Timor-Leste ho idade 20 ona, ne’ebé bele dehan idade adultu ona maibé sei konsidera nu’udar nasaun foun, ho nune’e Polonia sei suporta demokrásia Timor-Leste.

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here