Grupu teatru no múzika hosi Filteda aprezenta animasaun hodi selebra loron 20 maiu iha Vila Nova Bauva, sesta (20/05). Imajen Tatoli/Natalino Belo.

BAUCAU, 20 maiu 2022 (TATOLI) – Autoridade Munisipál Baucau sesta ne’e, realiza animasaun hodi festeza komunidade iha ámbitu selebrasaun loron restaurasaun independénsia 20 maiu ba dala-XX.

Prezidente Komisaun Organizadora atuál Sekretáriu Administrasaun munisipál Baucau, Simão dos Santos Marques Pinheiro, hateten, loron restaurasaun independénsia importante ba Timor-Leste nune’e autoridade munisipál Baucau festeza hanesan parte fó onra no glória ba eroi ne’ebé luta ba determinasaun ukun aan to’o hetan rekoñesimentu hosi internasionál.

Grupu arte-marsiál hosi silat Padjajaran prepara atu aprezenta iha selebrasaun loron restaurasaun independénsia iha Vila Nova, Baucau, sesta (20/05). Imajen Tatoli/Natalino Belo.

“Liuhosi selebrasaun ne’e, ita espera mehi ne’ebé eroi sira husik hela joven sira presiza kontinua atu defende estadu, liuliu kria pás no estabilidade, espesiál iha Baucau,” nia informa ba Tatoli iha Vila Nova, sesta ne’e.

Nia espera ho selebrasaun restaurasaun independénsia ba dala-XX ne’e foin sa’e Baucau sei transforma aan sai di’ak liután iha futuru hodi kontribui iha prosesu dezenvolvimentu iha Baucau.

Komisaun organizadora rekoñese kontribusaun juventude Baucau durante faze preparasaun no implementasaun programa ba selebrasaun loron nasionál tanba iha antusiazmu no iha nasionalizmu atu partisipa liuhosi talentu tantu individu no grupu.

“Ema hotu partisipa no iha sentidu nasionalizmu ne’ebé boot tebes iha selebrasaun loron 20 maiu ne’e,” Simão akresenta.

Totál orsamentu ba selebrasuan loron 20 maiu iha munisípiu Baucau hamutuk $ 6.000 ne’ebé fahe ba kada postu admistrativu ida hamutuk $750 no autoridade $1.500.

Jornalista    : Natalino Belo

Editór           : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here