Adjuntu Vise Sekretáriu Jerál, Association of Southeast Asian Nations (ASEAN), Ekkaphab Phantavong, vizita MSSI hodi ko’alia ho Vise Ministra Solidariedade Sosiál no Inkluzaun (MSSI), Signi Candrawati Verdial, kona-na dezenvolvimentu kapasidade no rekursu umanu. Imajen Tatoli/Osória Marques.

DILI, 20 maiu 2022 (TATOLI)—Vise Ministra Solidariedade Sosiál no Inkluzaun (MSSI), Signi Candrawati Verdial, ho Diretór Jerál MSSI, Rui Manuel Gago Exposto, sesta ne’e, simu vizita kortezia hosi Adjuntu Vise Sekretáriu Jerál, Association of Southeast Asian Nations (ASEAN), Ekkaphab Phantavong, hodi ko’alia kona-ba dezenvolvimentu kapasidade no rekursu umanu.

“Ohin mai para ita koñese malu aumezmu tempu oinsá ita haree ba oin, saida mak ita presiza hanesan Timor-Leste presiza atu aprende hosi ASEAN sira no ko’alia uitoan mós kona-ba dezenvolvimentu ba kapasidade, rekursu umanu no seluk tan. Nune’e ita aproveita iha adezaun ne’e atu halo kooperasaun iha área ne’ebé ita presiza,” Signi Verdial hateten ba jornalista sira, iha MSSI Caicoli, Dili sesta ne’e.

Tanba, Adjuntu Vise Sekretáriu Jerál ASEAN ne’e mak koordenadór ba asuntu sosiu-kulturál, entaun aproveita partisipa restaurasaun independénsia Timor-Leste ba dala XX (20 maiu 2002-20 maiu 2022) ne’e, hodi halo vizita kortezia ko’alia kona-ba asuntu refere.

Adjuntu Vise Sekretáriu Jerál ASEAN ne’e, tuir planu, sei mai iha Timor-Leste iha fulan-jullu tinan 2022 hodi ko’alia konaba-asuntu sosiu-kulturál.

“Tanba sei iha misaun ida, ne’ebé Adjuntu Vise Sekretáriu Jerál ASEAN sei mai iha fulan jullu no nia rasik mak lidera tanba aproveite vizita ita-nia aniversáriu 20 maiu 2022 hodi ko’alia asuntu relevante ho ita liu-liu liga ba asuntu sosio-kultural,” nia dehan.

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here