Sekretáriu Ezekutivu Comunidade dos Países de Língua Portuguesa (CPLP), Zacarias Albano da Costa. Imajen Tatoli/Domingos da Piedade.

DILI, 19 maiu 2022 (TATOLI)—Sekretáriu Ezekutivu Comunidade dos Países de Língua Portuguesa (CPLP), Zacarias Albano da Costa, no Primeiru-Ministru Taur Matan Ruak, kinta ne’e, diskute importánsia estratéjika rekuperasaun ekonómika iha nasaun Comunidade dos Países de Língua Portuguesa (CPLP).

Notísia Relevante: Zacarias Albano sei simu pose iha Angola

“Ohin, ha’u aprezenta relatóriu servisu tinan ida-nian ba Xefe Governu no ajenda estratéjika ba rekuperasaun ekonómika iha CPLP nian. Importante mak marka pasu ida ba iha rekuperasaun ekonómika nian iha nasaun hotu-hotu,” Zacarias Albano da Costa, hateten ba jornalista sira hafoin reuniaun no aprezenta relatótiu ba PrimeirMinistru, Taur Matan Ruak, iha Palásiu Governu, Dili.

Diplomata ne’e akorda tan, ajenda ne’e hetan ona aprovadu hosi Ministru Ekonómia, Komérsiu no Finansa iha iha nasaun Comunidade dos Países de Língua Portuguesa (CPLP).

“Ami mós diskute ona kona-ba atake terorista ne’ebé kontinua akontese iha Cabo Delegado no servisu internasionál ba rekuperasaun ekonómika depois krize ne’ebé kuaza hosi pandemia COVID-19,” nia dehan.

Iha fulan-novembru 2020 liubá, Governu Liuhosi Ministériu Negósiu Estranjeiru no Kooperasaun (MNEK) Dionísio Babo Soares, dezigna kandidatura Zacarias Albano da Costa ba Sekretáriu Ezekutivu CPLP, ba períodu 2021-2023 depois hetan renovasaun ba 2023-2025.

Sekretáriu Ezekutivu nu’udar órgaun administrasaun ba koordenasaun iha CPLP nia laran, ne’ebé órgaun aas-liu deside liuhosi simeira, konsellu ministru, konsellu ba konsertasaun permanente ne’ebé konstituidu ho embaixadór sira hamutuk ho sekretariadu CPLP iha Lisboa.

Estadu membru CPLP sira komposta hosi Angola, Brazil, Cabo Verde, Guiné Bissau, Guiné Equatorial, Moçambique, Portugál, São Tomé e Príncipe no Timor-Leste.

Notísia Relevante: Zacarias Albano agradese konfiansa nu’udar Sekretáriu Ezekutivu CPLP dezignadu Timor-Leste

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here