Prezidente Konsellu Veteranu Munisípiu Covalima, Osorio Soares “Mausoko”. Imajen Tatoli/Celestina Teles.

COVALIMA, 19 maiu 2022 (TATOLI)–Prezidente Konselu Vetaranu Munisípiu Covalima, Osorio Soares “Mausoko”, hateten Munisípiu Covalima preparadu atu implementa lei podér lokál no dezentralizasaun administrativa maibé sei hein orientasaun hosi Governu sentrál.

“Konaba implementasaun lei podér no lokál desentralizasaun administrativa   depende orientasaun hosi nasionál konselu munisípiu Covalima ne’e hein atu implementa, maibé bazea ba baze legál ida hosi Governu mak ita foin implementa,” Osorio Soares “Mausoko” informa ba Agencia Tatoli, iha Suai Loro, kinta ne’e.

Bainhira implementa lei podér lokál no desentralizasaun administrativa mak konsellu veteranu mós sei kompete iha asembleia munisípal ne’ebé la liuhosi eleisaun hodi fó apoiu ba Governu nia programa.

Setór importante ne’ebé atu kontribui reseita ba kofre Estadu mak hanesan setór agrikultura, turizmu no seluk tan. maske atu implementa lei poder lokál maibé iha nia limitasaun no iha nasionál labele entrega totál poder lokál ba munisipiu ne’e labele.

Konsellu veteranu nia papel importante primeiru atu asegura estabilidade nasionál, apoiu planu estratéjiku dezenvolvimentu Nasionál, veteranu tenke hamriik metin iha Governu nia kotuk.

Atu implementa lei podér lokál ne’e, papel veteranu nian mak asegura estabilidade nasionál, apoiu planu dezenvolvimentu estratejiku nasionál Governu nian no veteranu tenke hamriik metin iha Governu nia kotuk.

“Ita garante implementa lei podér lokál, primeiru mak establidade katak povu tenke kumpre lei no povu tenke hakmatek hodi implementa lei podér lokál no desentralizasaun administrativa no povu tenke servisu hamutuk,” nia dehan.

Tanba ne’e, aleinde garante estabilidade maibé komunidade tenke servisu hamutuk ho igreja hodi bele implementa lei poder lokál no desentralizasaun administrativa. Bazea ba esperiénsia hatudu katak durante realiza eleisaun prezidensiál primeira no segunda volta ne’e la’o ho hakmatek.

Jornalista : Celestina Teles

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here