Grupu estudante Isar Bandeira uainhira tama iha formatura. .Imajen/Antonio Goncalves.

DILI, 19 maiu 2022 (TATOLI)–Koordenadór Sesaun Korpu Isár Bandeira, Valente de Fátima Miranda, hateten iha komemorasaun loron restaurasaun independénsia Timor-Leste ba dala-XX (20 maiu 2002-20 mai 2022) iha Palásiu Prezidente Nicolau Lobato, Bairru Pite, Dili, sei fahe ba kompozisaun tolu.

Iha eventu hasa’e no hatuun Bandeira ne’e iha kompozisaun formatura fahe ba parte tolu hanesan parte dahuluk forma ho korpu na’in-20 kompostu hosi estudante ho ninia kompozisaun mesak feto hotu.

Korpu na’in-20 mai hosi estudante selesionadu hosi eskola lima iha Dili laran ne’ebe iha kualifikasaun di’ak durante hala’o selesaun hahú hosi selesaun fízika, mentál, kuñesimentu orden unida no iha abilidade di’ak nu’udar estudante.

“Ita-nia eskipa espesiál ka korpu ema na’in-lima (5) ne’e hosi nível munisípiu ne’ebé pasa iha prosesu selesaun. Durante ne’e sira hala’o treinamentu iha Ótel Leo Kase Dili. Maibé ne’e ba parte dadeer nian de’it,” Koordenadór ne’e hateten ba Agência TATOLI, via WhatsApp, kinta ne’e.

Selesaun ne’e haree liu ba kapasidade membru ida-idak nian iha área hanesan lulun, hikar, kesi, dada no loke Bandeira RDTL no mós oinsá taka formatura ba iha korpu espesiál nian no sira-ne’ebé tama iha ekipa ida-ne’e liuhosi selesaun ne’ebé todan.

Selesaun dahuluk mak korpu espesiál ne’e hamutuk ema na’in-sia (9) ho nia kompozisaun feto rua (2) no mane na’in-lima (5) inklui eskoltu Bandeira Nasionál, hosi F-FDTL ho Centru Formasaun Treinamentu (CFT), no hosi ne’e iha ema na’in haat (4), ne’ebé sei asume responsabilidde nu’udar eskoltu ba iha dadeer no lorokraik nian.

Identidade korpu na’in-lima hosi estudante sira mak hanesan; Josefa Bernardina Noria Guterres Pereira, simu Bandeira hosi Prezidente Repúblika Timor-Leste no entrega ba ekipa hasa’e bandeira. Nia moris iha Viqueque, 27 agostu 1999, hosi eskola Prezidente Universidade (Enginharia Eletricidade).

Ismael Assunção da Costa Soares hosi Universidade Nasionál Timor Lorosa’e (UNTL), moris iha Manatuto iha loron 16 setembru 1999, ninia knar mak simu Bandeira hodi fó komandu fó Voz Comando ba ekipa.

Alvaro Marchilot Hornai Pires, moris iha munisípiu Manatuto iha loron 26 agostu 2000, eskola iha Institutu Siénsia Saúde (ICS), ho ninia knar mak kesi Bandeira.

Falentinho do Santos Colo, moris iha Rejiaun Administrativa Espesiál Oé-Cusse Ambeno (RAEOA), iha loron 19 fevereiru 2000 ne’ebé mai hosi Eskola Sekundária iha (RAEOA) no ninia knar mak dada tali Bandeira.

Gabriela da Gloria Guereina, moris iha Lautém iha loron 22 agostu 2005, eskola iha Universidade Dili (UNDIL), niniaa knar mak atu suplentu simu no tane Bandeira hosi Prezidente Repúblika no entrega ba ekipa hasa’e Bandeira.

Equipa Eskoltu ba Bandeira Nasionál iha eventu ne’e kompostu hosi membru FALINTIL-Forsa Defeza Timor-Leste (F-FDTL) mak hanesa; Pedro da silva, Postu Primeiru Sarjentu; Lucio de Almeida, Postu primeiru Sarjentu; Josefina F. da Conceição Belo, Postu Segundu Sarjentu; Antonieta da Silva, Posto segundu Sarjentu.

Koordenadór ne’e hateten, iha mós ekipa ba parte lorokraik hodi hatuun bandeira RDTL mak tuir mai ne’e:

Vitoria da Costa Pires. moris iha Covalima iha loron 13 abríl 2000, eskola iha Institutu Siénsia Saúde (ICS), ho nia knar mak atu simu no entrega Bandeira RDTL ba Prezidente Repúblika.

Vessia Purificacao dos Santios da Costa, moris iha munisípiu Bobonaro iha loron 30 marsu 2002, eskola iha Dili Institute of Technoogi (DIT), ninia knar mak atu Suplentu Kaer Bandeira RDTL.

Linorcio Riano Guterres de Araujo, moris iha munisípiu Dili, eskola iha Dili Institute of Technoogi (DIT) no ninia knar mak atu Kaer Bandeira RDTL no fó voz kommandu.

Santiago de Costa, moris iha munisípiu Viqueque iha loron 04 abríl 1998, eskola iha Dili no ninia knar mak atu hatuun no kore Bandeira RDTL.

Manuel Melito Sexas da Costa, moris iha munisípiu Dili, eskola iha Dili Institute of Technoogi (DIT) no ninia knar mak atu parte kiman-karuk hodi kore Bandeira RDTL.

Grupu estudante isar bandeira na’in-68 halo hela treinamentu. Imajen Tatoli/Osória Marques..

Nia haktuir, korpu na’in-22 ne’e aleinde korpu 20 no korpu lima iha mós korpu na’in-22, ne’ebé ho nia númeru ema na’in-30 no hosi númeru ida-ne’e kompostu hosi feto na’in-12 no mane 18, ne’ebé mós maihosi kompañia korpu nian hamutuk ema na’in-69, inklui ho eskoltu ba Bandeira hosi membru PNTL ne’ebé assume responsabilidade ba serimónia Isár no área ba bandeira nasionál iha selebrasaun restaurasaun Independénsia 20 maiu 2011 nian ne’e

Ekipa Isár no Área Bandeira Nasional RDTL, nu’udar ekipa prinsipál ida iha komponente Parada ho naran Corpo Icar no Área Bandeira Nasional RDTL (CIBN RDTL) ne’ebé mak komisaun organizadora forma hodi responsabiliza ba aktu eventuál sira hanesan hasa’e no hatuun bandeira nasionál iha komemorasaun loron nasionál sira.

Komponente ekipa ida-ne’e, kompostu hosi estudante sekundária Timor-Leste laran tomak, espesífiku liu mak estudante timor-oan sira-ne’ebé iha klase 10 Primeiro Ano no 11° Segundu ano ne’ebé mak liu selesaun hosi munisípiu 13, ne’ebé hala’o hosi ekipa selesaun.

Nia dehan, korpu ida-ne’e harii iha loron 20 maiu 2008 (tinan 20 liubá), hahú ho estudante hamutuk ema na’in-47 hosi Kapitál Dili de’it.

Hafoin iha komemorasaun loron 28 novembru 2008 rekruta tan 65 pesoa no mai iha 20 maiu 2009 rekruta tan 65 pesoa, 20 maiu 2010 rekruta tan 65 pesoa, tinan 2011 rekruta tan 65 pesoas, iha 2012 rekruta tan 65 pesoa, 2013 komisaun konsege rekruta tan 65 pesoa.

“To’o agora korpu ida-ne’e hamutuk ema na’in-892, kompostu hosi feto hamutuk na’in-411 no na’in-481,” nia dehan.

Knar hosi grupu ida-ne’e mak hala’o treinamentu orden unidade no konfigurasaun formatura hasa’e no hatuun Bandeira Nasional RDTL ba komemorasaun loron nasionál sira-ne’ebé de’it mak konsagra ona iha konstituisaun RDTL no lei sira haruka.

Fase preparasaun no treinamentu orden unida ba eventu sira hanesan ne’e, komisaun organizadora espeséfiku ba sesaun hasa’e no hatuun Bandeira Nasionál sei uza tempu durante fulan ida ka semana tolu.

Maibé ba eventu ida-ne’e ami hala’o durante loron 15 de’it hahú hosi loron 07 fulan-maiu to’o loron 19 fulan-maiu 2022 ne’ebé hanesan loron ezekuta atividade importante ida-ne’e, preparasaun treinamentu orden unida ba eventu ida-ne’e hala’o ho durasaun tempu semana tolu ka rua.

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here