Vise-Prezidente Parlamentu Nasionál, Maria Angelina Lopes Sarmento. Imajen Tatoli/Egas Cristóvão

DILI, 19 maiu 2022 (TATOLI)—Vise Prezidente Asembleia Parlamentár Portugál, Edite Estrela, kinta ne’e hala’o vizita kortejia no enkontru ho Prezidente Parlamentu Nasionál, Aniceto Longuinhos Guterrees Lopes ne’ebé akompaña mós hosi Vise Prezidente Nasionál na’in rua, Angelina Sarmento ho Luis Roberto.

“Reuniaun ho Vise Prezidente hanesan vizita kortejia mai Parlamentu Nasionál hodi hato’o komprimentu no parabéns mensajen hosi Prezidente Asembleia Parlamentár Portuguesa nian labele marka prezensa aniversáriu restaurasaun indepedénsia Timor-Leste ba dala-XX, nune’e hato’o dezeju ba povu Timor-Leste,” Vise PN, Maria Angelina Sarmento, hateten ba Agência TATOLI, hafoin ramata enkontru iha Parlamentu Nasionál, kinta ne’e.

Parlamentu Portugál hato’o mós sei hametin liután parseira kooperasaun ho Parlamentu TL ne’ebé durante ne’e iha ona.

“Vise Assembleia Parlamentár Potugál hato’o mezmu Timor-Leste ho Portugál nia jeografikamente distásnia dook no kulturalmente diferente maibé buat ne’ebé unifika ita mak lingua portugeza, nune’e husu mantein parseria no amizade ne’ebé hametin ona liuhosi língua,” nia dehan.

Durante ne’e, parte rua hala’o kooperasaun iha área oioin ne’ebé fó ona apoiu ba Parlamentu Nasionál (PN) Timor-Leste liu-liu iha área jurídiku, finansa públika, haruka funsionáriu tuir formasaun no apoiu asesoria iha área ne’ebé presiza.

Tan ne’e, planu ba futuru atu kontinua lasu amizade koorpeasaun no extende tan iha área sira seluk sei define tempu tuir mai.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here