Segundu Komadante PNTL munisípiu Viqueque, José Afonso. Imajen Tatoli/Vitorino Lopes da Costa

VIQUEQUE, 18 maiu 2022 (TATOLI)—Polísia Nasionál Timor-Leste (PNTL) munisípiu Viqueque garante seguransa iha rejiaun tomak iha ámbitu komemorasaun restaurasaun independénsia ba da-XX iha loron 20 maiu.

“Institusaun PNTL nu’udar instituisaun Estadu, nune’e ami sei garante seguransa másimu ba atividade importante sira hanesan loron komemorasaun loron 20 maiu. Tanba ne’e, ami la fó fatin ba sé de’it atu halo violénsia,” Segundu Komadante PNTL munisípiu Viqueque, José Afonso, hateten ba Agência Tatoli, iha kampu demokrasia, Viqueque vila, kuarta ne’e.

Notísia relevante: Viqueque realiza atividade tolu iha ámbitu komemora restaurasaun independénsia

Komandu PNTL munisípiu Viqueque preparadu hodi responde ba situasaun saida de’it, tantu loron no kalan.

“Ami ativa 24 horas, ne’e la’ós  ameasa, maibé liuhosi biban ne’e hakarak hato’o hodi sidadaun sira bele hatene. Ami mós  sei la la’o mesak, maibé sei la’o hamutuk ho entidade sira hotu hodi kolabora ba paz no estabilidade iha munisípiu ne’e,” nia akresenta.

Tuir dadus, membru PNTL efetivu iha munisípiu Viqueque hamutuk na’in-142, ne’ebé destaka iha eskuadra lima no sei kontinua ezerse ninia knaar seguransa iha komunidade nia le’et 

Jornalista : Vitorino Lopes da Costa

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here