Primeiru-Ministru, Taur Matan Ruak. Imajen Tatoli/Egas Cristóvão.

DILI, 18 maiu 2022 (TATOLI)—Primeiru Ministru (PM), Taur Matan Ruak, husu timor-oan hotu atu hametin liután pás no estabilidade iha komemorasaun loron restaurasaun indepedénsia ba dala-XX (22 maiu 2022-20 maiu 2022).

“Ha’u hanoin aniversáriu loron restaurasaun ba dala-XX, loron ida espesiál loos ba Timor-Leste espera katak timor-oan hotu haksolok no ita espera pás no estabilidade ne’ebé ita-nia  nasaun konkista iha tinan 20 nia laran bele metin liután,” Xefe Governu ne’e hato’o mensajen ba jornalista sira hafoin ramata sorumutu ho Prezidente Repúblika, Francisco Guterres Lú Olo, iha Palásiu Prezidensiál Nicolau Lobato, Bairru Pite, kuarta ne’e.

Xefe Governu, hatutan loron ne’e mós importante pose ba Prezidente Repúblika eleitu halo transferénsia responsabilidade ida ne’e manifesta bo’ot ba ita-nia rai.

Durante sorumutu, PM Taur Matan Ruak, relata preparasaun Governu nian ba prosesu preparasaun serimónia pose PR eleitu no komermorasaun 20 maiu ba Prezidente Repúblika, Lú Olo.

“Preparasaun hotu la’o di’ak hodi realiza serimónia pose no komemorasaun 20 maiu,” Taur Matan Ruak hateten.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here