Koordenadór BTL, E.P Covalima. Imajen Tatoli/Celestina Teles.

COVALIMA, 18 maiu 2022 (TATOLI)—Bee Timor-Leste, Empreza Públiku (BTL, E.P) Covalima provizóriu hapara distribuisaun bee-moos durante loron tolu (3) ba komunidade Covalima área urbana, tanba tékniku BTL hosi nasionál sei troka mákina bomba bee tuan ba bomba foun.

Tékniku BTL, E.P hapara distribui bee-moos ba komunidade Covalima iha área urbana hahú iha loron 17 to’o loron 20 fulan-maiu ne’e ho razaun hodi troka bomba tuan ne’ebé mak kapasidade ki’ik, entaun distribui bee-moos ba komunidade ladun normál.

“Bomba ne’ebé oras ne’e daudaun monta ne’e ho kapasidade bomba sp77 ne’e, ita-bele prodús bee litru 21 kada segundu kompara uluk litru 11 kada segundu, nune’e ita-nia bee nia débitu ne’e ki’ik. Espera ho bomba foun ne’e bele normaliza fali fornesimentu bee-moos ne’ebé durante ne’e la’o ladún normal,” Koordenadór BTL, E.P, Castro Dodi Ramos, hateten ba jornalista iha suku Suai Loro, kuarta ne’e.

Tanba ne’e, nia dehan, prosesu troka mákina bomba tuan ba mákina bomba foun hodi garantia ho kapasidade bomba ne’ebé mak boot, fornesimentu bee-mos bele la’o normál maibé komunidade sira uza bee-moos ho konsiénsia.

“Prosesu ne’e presiza tempu, kinta (19/05) hanesan ne’e, ita-bele garantia uza bee normál maibé ita tenke uza bee ho konsiénsia tanba ita-uza bee grafitasi diferensa ho perfurasaun, tanba presiza enerjia eletrisidade bainhira ahi mate ita labele asesu bee,” nia dehan.

Hafoin troka bomba, tékniku BTL, E.P distribui bee-moos la’o normál parte hosi BTL, E.P sei monta kontadór sira kada uma-kain, nune’e komunidade bele uza bee ho di’ak.

Jornalista : Celestina Teles

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here