Vise Prezidente Asosiasaun Futeból Bobonaro (AFB), Jose Guterres. Imajen Tatoli/Sérgio da Cruz.

BOBONARO, 18 maiu 2022 (TATOLI) – Asosiasaun Futeból Bobonaro (AFB), kuarta ne’e deside suspende provizóriu kompetisaun futeból jogu sub-23 époka 2022 ne’ebé realiza iha kampu futeból Maliana, munisípiu Bobonaro.

Vise Prezidente AFB, José Guterres, hateten razaun asosiasaun adia kompetisaun ne’e tanba autoridade munisípiu Bobonaro deside ona katak sei utiliza kampu Futeból Maliana hodi realiza komemorasaun restaurasaun independénsia 20 maiu ba dala-XX.

Notisia relevante :Jogu sub-23 iha Maliana, Soboai tebe-sai Focadioma hosi grupu B

Tuir oráriu hosi Komisaun Organizadora ne’ebé distribui ona ba klubu sira katak ohin (18/05) ne’e sei iha jogu rua mak hanesan, jogu dahuluk klubu EX Kodim kontra AS Fition iha tuku 14:30 no jogu segundu klubu São Miguel kontra FC Cruz hosi postu administrativu Cailaco.

“Ami kansela de’it jogu ida ohin lokraik, no muda fali ba dia 24 ho oras ne’ebé hanesan, tanba komisaun organizadora 20 de maiu sei uza kampu halo ensaiu hahú hosi dadeer to’o lokraik, maibé atu informa de’it katak jogu sira seluk laiha mudansa,” nia informa ba Tatoli, iha Jináziu Maliana.

Jose akresenta, selebrasaun eventu importante ne’e oráriu fiksa kedas iha nasionál, tanba ne’e presiza duni asosiasaun atu hapara atividade provizóriu hodi kolabora no apoia governu lokál realiza serimónia istóriku ne’e.

“Tanba ne’e ami avizu ona ba klubu sira hotu katak ohin jogu sei laiha, agora ita-nia autoridade munisípiu sira sei halo preparasaun ba serimónia aniversáriu restaurasaun independénsia 20 de maiu, maibé ita sei hahú fali jogu iha loron 21 lokraik,” nia apela.

Notisia relevante: Jogu sub-23 iha Maliana, Jalagovi manán mihis Monumentu FC

Jornalista   : Sérgio da Cruz

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here