Uma Kbiit-Laek. Imajen/Espesiál.

DILI, 17 maiu 2022 (TATOLI)—Prezidente Autoridade Munisipiu (PAM) Dili, Guilhermina Filomena Saldanha Ribeiro, segunda (16/05) ne’e inaugura Uma Kbiit Laek (UKL) neen (6) iha  suku Wenunuk no suku Mantelolao, postu administrativu Metinaro.

“Uma Kbiit Laek hamutuk neen (6) kompostu hosi uma tolu (3) konstrui iha suku Wenunuk no uma tolu (3) seluk konstrui iha suku Mantelolao, ne’ebé mak hetan bensaun hosi ReverendísimU Pe. Deonizo Bere,” refere komunikadu imprensa ne’ebé Agência Tatoli asesu, tersa ne’e.

Administradór Postu Wdministrativu Metinaro, Julio Norberto, hateten bainhira Prezidente Autoridade Munisípiu Dili halo inaugurasaun ba Uma Kbiit Laek ne’e, komunidade sente kontente tebes tanba bele hetan Uma Kbiit Laek ida ne’ebé mak di’ak no kualidade.

Autoridade ne’e hato’o agradese ba VIII Governu Konstitusionál ne’ebé mak bele fornese ona Uma Kbiit Laek ba povu kbiit laek sira hodi hela, tanba Uma Kbiit Laek ne’e di’ak tebe-tebes tanba ne’e sira sujere nafatin katak ba oin bele kontinua nafatin ho Uma Kbiit Laek ne’e atu bele fó nafatin ba sira seluk ne’ebé seida’uk hetan.

Tuir nia, Governu oferese ona Uma Kbiit Laek hamutuk sia (9) ba benefisiáriu sira iha postu administrativu Metinaro, ne’ebé kompostu hosi suku Sabuli iha uma tolu (3), suku Wenunuk konstrui uma (3) no suku Mantelolao mós uma tolu (3).

Iha serimónia Inaugurasaun ba Uma Kbiit Laek ne’e, Governu aloka Orsamentu hamutuk millaun $21.209,169,15, hodi implementa programa UKL refere.

Alende ne’e, halo konstrusaun UKL ba benefisiáriu hamutuk 1,254 iha suku 442 iha Timor-Leste no kada uma ho kustu orsamentu $14,000,00 to’o $17,000,00.

Jornalista : Nelia Fernandes

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here