Ministru Prezidénsia Konsellu Ministru, Fidelis Manuel Leite Magalhães. Imajen Tatoli/Francisco Sony.

DILI, 17 maiu 2022 (TATOLI)—The Asia Foundation akompaña hosi Ministru Prezidénsia Konsellu Ministru, Fidelis Manuel Leite Magalhães, Vise Mininistru Finansa, António Freitas hamutuk ho Country Director Banku Mundiál Bernard Harborne, tersa ne’e, lansa rezultadu levantamentu persepasaun públiku “TATOLI 2022”, iha City8, Dili.

Rezultadu levantamentu persepasaun públiku “TATOLI 2022” foka liubá servisu, rendimentu no moris di’ak, lala’ok Governu servisu no prioridade sira hanesan saúde, edukasaun, infraestrutura, persepsaun polítika persepssaun korupsaun no uzu mídia no informasaun (TV, Rádiu, Website, mídia sosiál).

Ministru Prezidénsia Konsellu Ministru, Fidelis Manuel Leite Magalhães, hateten liuhosi levantamentu Timor-Leste TATOLI nia impaktu mak programa polítika tanba foti opiniaun hosi sidadaun sira.

“Ha’u partisipa lansamentu rezultadu levantamentu Timor-Leste TATOLI ne’ebé halo hosi Asia Foundation hodi hetan apoiu hosi Governu Austrália. Tanba liuhosi peskiza ne’e mak ita hatene di’ak impaktu hosi polítika programa ne’ebé mak hala’o ona tanba peskiza hirak-ne’e foti opiniaun sira hosi sidadaun,” Ministru Prezidénsia Konsellu Ministru ne’e hateten ba jornalista sira, hafoin partisipa iha lansamentu peskiza TATOLI, iha City8, Manleuana, Dili.

Tanba, tuir nia, hosi levantamentu TATOLI ne’e iha notísia di’ak tanba bele konsege luta no kombate propagasaun pandemia COVID-19 ne’ebé invade Timor-Leste iha 2020 to’o agora.

“Ho ida-ne’e, ita iha notísia di’ak mak Governu konsege halo mak luta kontra propagasaun COVID-19, ne’e hanesan apresiasaun boot hosi sidadaun sira tanba intervensaun ne’ebé Governu hala’o hamutuk ho parseriu tantu liuhosi vasina no medida sira seluk liga ho pandemia,” nia dehan.

Aleinde ne’e, Governante ne’e hateten Governu Timor-Leste nafatin garante tanba iha prosesu levantamentu no ema-ne’ebé hetan resposta ba levantamentu ne’e dehan nasaun Timor-Leste iha dalan di’ak atu kontinua ba oin.

“Entaun ita mós rejista dezenvolvimentu balun ne’ebé iha ita-nia sosiedade nia leet, nune’e sidadaun hateten polítika Governu Timor-Leste nian agora hahú tranzisaun daudaun ona.

Embaixadór Austrália iha Timor-Leste, William Costtelo, hateten Asia Foundation hetan apoiu hosi Austrália no tinan-tinan sira halo peskiza TATOLI ne’e ba dahitu ona.

Rezultadu levantamentu TATOLI ida-ne’e halai liubá oinsá perspetiva povu nian iha munisípiu 12 inklui Rejiaun Administrativa Espesiál Oé-Cusse Ambeno (RAEOA) ba sira-nia moris di’ak no saúde inklui ba servisu ne’ebé Governu oferese.

Rezultadu levantamentu ne’e sai importante ba Governu, sosiedade sivil sira no parseriu hanesan Austrália, nune’e sira prioritiza programa atu sira bele implementa iha setór hirak-ne’e.

Levantamentu ba dahitu ne’e bele hatene mudansa hosi levantamentu neen (6) antes ka levantamentu dahuluk nian to’o agora ne’e ida-ne’ebé mak rezolve ona no ida-ne’ebé mak seidauk ne’e sei prioritiza fila-fali.

“Tanba ne’e, ami kontente no ho laran kmaan hakarak suporta ba oin ho di’ak liután,” nia dehan.

Área hirak ne’ebé Governu tenke investe liután (fora hosi Dili) kona-ba estrada iha Dili 47% no fora hosi Dili 75%; Edukasaun no Treinamentu iha Dili 70% fora hosi Dili 45%; Saude iha 59% no fora hosi Dili 54%; Bee (Sanitasaun iha uma) iha Dili 45% no fora hosi Dili 41% no Eletrisidade iha Dili 21% no fora hosi Dili 36%.

Governu Austrália suporta iha setór oioin hanesan saúde, edukasaun no infraestrutura hanesan dalan ka estrada, tan ne’e nia progresu to’o agora di’ak ona.

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here