Estudante Ensinu Bázika partisipa sertame. Imajen Tatoli/Celestina Teles.

COVALIMA, 16 maiu 2022 (TATOLI)—Diretór Servisu Edukasaun Munisípiu Covalima, Rui Suni Seran informa, Servisu Edukasaun Covalima realiza sertame ba estudante ensinu Bàzika 9 hodi komemora loron restaurasaun independénsia Timor-Leste ba dala-XX (20 maiu 2002-27 maiu 2022).

“Ohin ne’e, ami realiza atividade sertame ba estudante Ensinu Báziku 9 hodi komemora loorn restaurasaun independénsia Timor-Leste nian,” Rui Suni Seran hateten ba jornalista sira iha salaun AMC, Kampung Baru, segunda ne’e. 

Servisu Eduksaun Covalima realiza sertame ne’e iha modalidade rua mak hanesan, modalidade sertame hosi estudante Eskola Bàzika 9 modalidade konkursu públiku ba estudante ensinu sekundáriu ho ensinu tekniku vokasionál sira. 

Estudante ne’ebé mak partisipa iha kompetisaun sertame hosi eskola sira hanesan Ensinu bàziku Salele Ogues, Dais, Ladi, Suai Loro, Sândalo, Lontale, Café ho São Luis no konkursu públiku ba ensinu sekundáriu mak hanesan Eskola Sekundáriu públiku Jeràl, Cafe, Eskola Càtolika Ave Maria Suai, Eskola Tèkniku Vokasionál Akar-Laran Cristal no Salele.

Estudante sira hala’o sertame ne’e foku ba lian Tetun, Portugés, Inglés no matéria Matemátika 

Atividade sertame ne’e organiza hosi Sevisu Edukasaun Covalima no juri I, II to’o III mai hosi Servisu Edukasaun Covalima no observadòr profesór sira hosi eskola EBC Dais, São Luís ho Salele.

“Ho nune’e, estudante ne’ebé mak sai vensedór iha sertame ne’e sei hetan prémiu. Hafoin  finaliza isar bandeira mak sei fahe prémiu ba manan-na’in sira,” nia dehan.   

Estudante EBC Ogues, Novelia Antónia da Silva, hateten nia parte sente kontente hodi partisipa iha atividade sertame iha ámbitu komemora loron Independénsia Timor-Leste.

“Ohin, ami mai atu partisipa iha atividade sertame ne’ebé organiza hosi Servisu Edukasaun Covalima hodi komemora loron Independésia Timor-Leste ” nia hateten.

Enkauntu orsamentu ba atividade kompetisaun sertame no diskursu públiku ne’e hamutuk $952.50. 

Jornalista : Celestina Teles

Editór        : Cancio Ximenes 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here