Lia-Na'in Karketu Motain Dili, Hamulak ba Maromak no Lulik Proteje Timor-Leste hosi COVID-19. Imajen/Manuel Pinto.

DILI, 16 maiu 2022 (TATOLI)—Sekretária Estadu Arte no Kultura (SEAK) liuhosi Dirasaun Nasionál Patrimóniu Kulturál (DNPC), tuir planu sei mobiliza lia-na’in 34 iha territóriu nasionál hodi partisipa iha serimónia investidura ba PR eleitu no komemorasaun loron restaurasaun 20 maiu.

“SEAK liuhosi DNPAC sei mobiliza lia-na’in sira mai partisipa atividade rua. Kada munisípiu reprezenta lia-na’in rua (2) maibé munisípiu Dili mak nain neen (6), hanesan lisan sira-ne’ebé partense Dili sei reprezenta uma lisan ida lia-na’in rua (2) mak sei partisipa. Entaun, ita-nia lia-na’in hamutuk 34 mak sei partisipa 20 maiu no toma pose ba Prezidente Repúblika, José Ramos Horta,” Diretór Nasionál Promosaun Arte no Kultura, Felix Ximenes, hateten ba Agência Tatoli, iha nia knar fatin, Avenida Portugál, Dili, segunda ne’e.

Lia-na’in sira-nia prezensa la’ós atu ba hamulak maibé sira mai sai hanesan sasin de’it, tanba sira tau sira-nia uniforma kada munisípiu ida-idak, entaun sira sei ba tu’ur iha ne’ebá hodi sai sasin ba atividade rua refere.

“Tanba ita-nia bainaka Verry Important Person (VIP) no Verry-Verry Omportant Person (VVIP) sira-ne’ebé mak ita-nia Prezidente Repúblika, Prezidente Parlamentu, Primeiru Ministru no ita-nia Prezidente Repúblika eleitu konvida, ita haruka sira tur oin atu eventu sira hanesan ne’e, ita fó oportunidade nafatin ba ita-nia kultura. Aleinde ne’e, ita konvida no promove sira, liuhosi atividade hanesan ne’e,” nia dehan.

Alende lia nain, DNPAC mós konvida grupu Moradór sira, dansa tradisionál no srigala, sira mai atu simu bainaka sira iha Aeroportu Internasionál Nicolau Lobato, Comoro, Dili.

“Semana kotuk ami halo konkordánsia ona, entre parte sesaun kultura no sesaun protokolu, nune’e iha sabádu (14 maiu) ami halo gladi, oinsá atu simu ita-nia bainaka iha aeroportu. Ne’ebé, ami sei servisu hamutuk ho parte protokolu hosi MNEK no protokolu ne’ebé responsavél hosi MAE. Iha semana kotuk konfirmadu ona, entaun kuarta semana kotuk, ha’u ba halo observa direta ba grupu sira-ne’ebé prepara hosi munisípiu atu mai ne’e,” nia dehan.

Nune’e, iha semana kotuk, xefe na’in-rua (2) hosi DNPAC dzsloka ba munisípiu Lospalos no Covalima, no ida ba ba Lopsalos ba haree grupu ida hosi Manatutu no grupu ida hosi Lospalos.

Grupu ne’ebé xefe sira ba haree ne’e, grupu tebe-dai no grupu dansa tradisionál sira mai hamutuk 13, inklui sira-nia formadór no iha Lospalos sei mai hamutuk 13 inklui koordenadór.

“Iha Lospalos, ita konvida grupu Sangar Haburas mak sei mai, tanba kada eventu ne’e ita sempre konvida sira mak mai reprezenta munisípiu Lautem,” nia dehan.

Ba parte rai-klaran, DNPAC sei konvida grupu Srigala hosi munisípiu Ainaro tanba sira-ne’e sei mai ho ema 20, nune’e mós ba Dansa Lensu Mutin hosi munisípiu Covalima.

Enkuantu, ba moradór sira, dansa tradisionál no dadalin, hamulak hosi grupu Srigala, sira sei simu bainaka iha aeroportu.

“Maibé, kona-ba kalan divertimentu ami sei kontaktu hela ita-nia parte divertimentu, ne’ebé sira seidauk serteza tanba sira iha ona rundown. Divertimentu ita fó kompañia, ne’ebé kompañia sira mak sei responsabiliza artista sira. Maibé, ami sei ko’alia karik ita-nia grupu sira sei enkaixa iha kalan konsertu, sira bele aprezenta dansa tradisionál balun iha kalan konsertu,” nia dehan.

Iha sesta semana kotuk, nia parte manda ona grupu rua mak ba, tanba kestaun tempu entaun grupu hosi Sangar Haburas hosi Lospalos no Dansa Lensu Mutin hosi munisípiu Covalima mak SEAK rekomenda, karik sira fó oportunidade ba grupu sira ne’e bele aprezenta.

Maibé ba 20 maiu, tantu lia nain no dansa kultura sira sei ba aprezenta hotu iha Palásiu Prezidente, la’ós sira ba aprezenta dansa maibé tama iha parade hanesan grupu F-FDTL mak uluk, PNTL, segurasnsa sivíl, bombeiru, estudante, hafoin lia-na’in sira tanba atividade hanesan ne’e bele promove kultura.

Atividade serimónia rituál, mobiliza lia-na’in no grupu dansa kulturál hosi Munisípiu mai Dili ne’e, Governu prevee orsamentu hamutuk rihun $15.

”Ami haree ba sira-nia akomodasaun, komsumsi no sira-nia transporte,” nia dehan.

Jornalista : Nelia Fernandes

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here