Vise Prezidente Parlamentu Nasionál, Maria Angelina Sarmento. Imajen/Egas Cristóvão

DILI, 16 maiu 2022 (TATOLI)—Parlamentu Nasionál (PN), hato’o votu kongratulasaun (númeru 13/2022) ba loron restaurasaun indepedensia 20 maiu ho rezultadu votasaun a-favór 58 kontra no abstensaun 0.

“Ho nune’e votu kongratulasaun no saudasaun ba loron restaurasaun indepedénsia 20 maiu aprovadu,” Prezidente Interinu Parlamentu Nasionál no atual Vise Prezidente PN, Maria Angelina Sarmento, deklara liuhosi plenária PN, segunda ne’e.

Komemorasaun loron ba restaurasaun indepedensia Timor-Leste 20 maiu ne’ebé proklama hanesan nasaun indepedente no soberanu, lejitimidade konfirma hosi povu forma livre no demokrátika, rekuñesimentu internasionál.

Hafoin tinan 20, luta ba direitu inalienável auto-determinasaun, minutu balun depois 00h00  iha 20 maiu 2002 iha Tasi-Tolu, Dili, hosi lian Prezidente Assembleia konstituiente, transforma Parlamentu Nasionál ho entrada vigór konstituisaun, Francisco Guterres Lú Olo, deklara restaurasaun indepedensia Repúblika Demokrátika Timor-Leste.

Loron ne’e, Sekretáriu Jerál Nasaun Unida (ONU), Kofi Annan, transfere podér ezekutivu administrasaun tranzitória Nasaun Unida (UNTAET) ba instituisaun Repúblika Demokrátika Timor-Leste.

Mundu fó testamuña hasa’e bandeira Timorense hanesan nasaun joven, no pose primeiru Prezidente Repúblika, Xanana Gusmão, ne’ebé komesa kapítulu foun iha istória Timor-Leste.

Iha 20 maiu 2002 tama vigór Konstituisaun Repúblika Demokrátika Timor-Leste (KRDTL), lei fundamentál, manifestasaun direitu inalienável indepedésia no soberania, reprezentasaun konsiénsia koletiva povu Timorense, baze konstrusaun Estadu.

Konstituisaun aprova hosi Deputadu eleitu 88 asembleia konstituiente, konsagra prinsípiu karáteristika identidade Timorense define nia rejiaun no mundu.

Iha selebrasaun marka istória imperativu onra lidér sira iha diferensa frente oioin kombate hosi liberdade, feto no mane luta hodi hetan indepedénsia refere.

Hafoin dekada ne’e nia laran reflesaun kona-ba perkursu ne’ebé la’o ba oin konstrusaun Estadu no dezenvolvimentu

Xefe Bankada CNRT, Duarte Nunes, fó hanoin ba ema hotu atu lembra fila-fali loron ne’ebé importante ba ita.

Xefe Bankada KHUNTO, Olinda Guterres, hateten 20 maiu hafanu fali Timoroan hotu hodi hamutuk fó liman ba malu.

“Seidauk to’o 20 maibé hakarak hato’o ha’u-nia parabéns ba povu tomak no mós ita Parlamentu ho Governu. Ha’u husu mós Deputadu/a bele mai hosi partidu keta-ketak maibé temi ona 20 maiu, ita ema ida de’it fó liman ba malu,” nia hateten.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here