Komandante Munisipiu Covalima, Superintendente Asistente, Basilio de Jesus. Imajen/Eugénio Pereira

COVALIMA 14 Maiu 2022 (TATOLI) –  Komandu Polisía Nasionál Timor-Leste (PNTL) munisípiu Covalima, preparadu asegura seguransa  durante komemorasaun loron restaurasaun independénsia ba dala XX (20 maiu 2002 -20 maiu 2022) iha nivél munisípiu ne’ebé sei realiza iha kampu Ladi.

“Ha’u hanesan komandante munisípiu asegura desizaun ita-nia administradór hanesan mós lideransa  masímu iha Covalima, liga  ba loron independénsia  20 maiu atu anima povu, ha’u hanesan komandante munisípiu nia obrigasaun atu asegura eventu ida-ne’e” Komandante PNTL Munisípiu Covalima, Superindentende  Basílio de Jesus, informa  ba Agência Tatoli, iha resintu Rádiu  Komunidade Cova Taroman, sesta ne’e.

Iha munisípiu Covalima halo ona abertura hodi loke bazar kalan ne’ebé hahú iha loron 12  fulan-maiu to’o loron 20 fulan-maiu hodi anima komunidade iha covalima.

“Ita mós husu jogadór sira loke jogu kria kondisaun no ambiente ida ho di’ak, labele konflitu tanba intrese jogu mais lakon no manán normál maibé labele kria konflitu,” nia fó hanoin.

Nia klarifika, iha atividade jogu bola-guling no kuru-kuru la’os PNTL mak autoriza maibé inspetór jerál jogu iha nasionál maki fó autorizasaun.

Tanba polísia nia papél asegura ema ne’e 100%, laiha ema ida book no grupu ida mai atu destroi iha bazar kalan iha eventu ne’e.

“Ha’u-nia mensajen ba ema hotu katuas, ferik no joven hotu iha Covalima, ne’e eventu 20 maiu selebra hosi ita-nia autoridade lokál, husu ema hotu nia kontribuisaun ema hotu nia apoia iha ita-nia feira ida-ne’e la’o ho susesu,” nia akresenta.

Tuir ajenda hosi Komisaun Organizadora 20 maiu katak, iha loron 16 fulan-maiu to’o loron 17 fulan-maiu sei realiza kompetisaun sertame diskursu públiku, ba estudante eskola bázika no eskola sekundária iha loron 18 fulan-maiu realiza kompetisaun kulturál grupu likurai no sei loke abertura ba kompetisaun halai taru kuda iha loron 19  fulan-maiu.

Nune’e mós iha  misa agradesimentu no kari ai-funan, sunu lilin iha monumentu Setembru Negro no animasaun dansa kulturál no múzika tebe no dahur

Enkuantu iha loron 20 fulan-maiu serimónia hasa’e bandeira nasionál no aprezentasaun dansa múzika, atrasaun arte marsiál no hatudu poezia no iha loron 21 fulan-maiu no sei kontinua kompetisaun halai taru kuda ne’ebé sei finaliza iha loron 22 fulan-maiu.

Jornalista   :Celestina Teles

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here