COVALIMA, 14 Maiu 2022 (TATOLI) – Governu liuhosi Ministériu Justisa (MJ) sei konstrui rezidénsia ba guarda prizonál iha prizaun suai, tanba haree kondisaun la permite atu hala’o serbisu ho di’ak.
“Uluk, ha’u rona rezidénsia guarda prizonál administradór Covalima mak sei halo konstrusaun rezidensia ba guarda prizonál maibé realidade la konsege halo. Entaun ita-haree orsamentu tinan 2023 ita sei prevee orsamentu atu halo konstrusaun ba rezidensia guarda prizonál,” Vise-Ministru Justisa, José Edmundo Caetano informa ba Agência Tatoli iha resintu prizaun suai, sesta ne’e.
Nia fó-sai katak, rezidensia iha prizaun Dili ho Gleno sufisiente ba guarda prizonál sira maibé rezidénsia ba guadra prizonál iha preizaun Suai mak governu presiza prevee orsamentu hodi halo konstrusaun.
Reprezentante Administradór Munisípiu Covalima, Francisco Mendonça ‘Tatamero’ klarifika kona-ba konstrusuan rezidénsia ba diretór guarda orizonál kompeténsia Ministériu Justisa tanba seidauk entrega ba munisípiu.
“Ha’u fó resposta katak seidauk entrega ba iha munisípiu, kompeténsia kabe ba Ministériu Justisa nian atu hadi’a, ami munisípiu laiha kompeténsia no seidauk entrega mai ami,” nia fó resposta ba Vise Ministru Justisa, José Edmundo Caetano.
Jornalista : Celestina Teles
Editór : Evaristo Soares Martins
