iklan

EDUKASAUN, HEADLINE

Governu estabelese rejime jurídiku foun ANAAA

Governu estabelese rejime jurídiku foun ANAAA

Logotipu ANAAA

DILI, 13 maiu 2022 (TATOLI)–Governu liuhosi reuniaun Konsellu Ministru (KM) estraordinária, sesta ne’e, aprova projetu dekretu-lei, ne’ebé aprezenta hosi Ministru Ensinu Superiór, Siénsia no Kultura (MESSK), Longuinhos dos Santos, kona-ba estabelesimentu rejime jurídiku no estatutu foun Ajénsia Nasionál ba Avaliasaun no Akreditasaun Akadémika (ANAAA).

“Dekretu-lei ne’e hanesan parte ida atu adekua rejime jurídiku instituisaun ne’e ho dekretu-lei númeru 30/2020, loron 29 jullu, kona-ba organizasaun administrasaun direta no indireta Estadu, no mós dekretu-lei númeru 16/2021, loron 15 setembru, ne’ebé kria baze jerál organizasaun administrasaun públika,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu, iha Palásiu Governu.

Notísia relevante: ANAAA prevee $371.000 avalia instituisaun haat no implementa programa prioridade

Aleinde ne’e, Governu hakarak atu konkretiza alterasaun balun relasiona ho regra sira ne’ebé aplika ba eleisaun Diretór Ezekutivu no ninia tempu mandatu.

Daudaun ne’e mandatu iha de’it durasaun tinan-tolu, maibé ho dekretu-lei foun ne’e, mandatu muda ba tinan-haat inklui kria serbisu foun hodi fó apoiu ba Diretór Ezekutivu no kria figura Fiskál Úniku.

Jornalista : Antónia Gusmão

Editora     : Julia Chatarina

iklan
iklan

Leave a Reply

iklan
error: Content is protected !!