Enkontru koordenasaun Autoridade munisípiu Viqueque no Governu ba komemorasaun loron restaurasaun independénsia ba da-XX, iha salaun munisipál (13/05). Imajen Tatoli/Vitorino Lopes da Costa

VIQUEQUE, 13 maiu 2022 (TATOLI)–Administradór munisípiu Viqueque, Januário Soares ‘Bolly’, hateten, Autoridade prefere Ministru Edukasaun Juventude no Desportu (MEJD), Armindo Maia, mai Viqueque reprezenta Governu hodi komemora loron restaurasaun independénsia Timor-Leste ba da-XX.

“Foin lalais enkontru munisipál ba preparasaun komemora 20 maiu iha tinan ida-ne’e, autoridade sira prefere Governu sentrál delega Ministru Edukasaun Juventude no Desportu mai Viqueque tanba munisípiu ne’e enfrenta hela problema edukasaun,” Administradór informa iha salaun munisipál, sesta ne’e.

Notísia relevante: Munisípiu Viqueque prevee orsamentu $7.500 komemora restaurasaun independénsia

Autoridade haktuir, problema edukasaun iha munisípiu ne’e liuliu Eskola Refernsia lian portugés, Centros de Aprendizagem e Formação Escolar (CAFE) ne’ebé loke ona iha munisípiu Viqueque maibé la’o susar oituan.

“Tanba ne’e presiza ita-nia ministru mai hodi haree,” nia akresenta.

Iha komemorasaun loron proklamasaun independénsia iha loron 28 novembru 1975, ba tinan 2021, Governu sentrál delega Ministru Asuntu Parlamentar no Komunikasaun Sosial (MAPKOMS), Francisco Martins Jerónimo mak lee diskursu Prezidente Repúblika.

Iha parte seluk, Ministru Armindo Maia, dehan, liga ba edukasaun hanesan responsável ema hotu nian, la’ós membru Governu nia responsabilidade de’it.

“Ema ida-idak iha responsabilidade hodi hasa’e kualidade edukasaun iha Timor Leste. Atu konkretiza ita hotu nia mehi hodi hetan edukasaun kualidade,” nia realsa.

Jornalista : Vitorino Lopes da Costa

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here