Reprezentante Sekretáriu Estadu Komunikasaun Sosiál, Xefe Gabinete SEKOMS, Osorio Almeida, fó formasaun lideransa ba feto potensiál sira. Imajen/Mídia SEKOMS.

DILI, 12 maiu 2022 (TATOLI)—Sekretária Estadu Komunikasaun Sosiál (SEKOMS), kinta (12/05) ne’e realiza formasaun lideransa iha aspeitu transformasaun konflitu iha meiu komunikasaun sosiál ba reprezentante Grupu Feto ba programa “Empoderamentu no promove feto Timor-Leste iha meiu komunikasaun sosiál”.

Reprezentante Sekretáriu Estadu Komunikasaun Sosiál, Xefe Gabinete SEKOMS Osorio Almeida hateten, programa ne’e hodi fó oportunidade ba feto potensiál sira atu dezenvolve kreatividade soru tais, ortikultura, atividade inovadora no kreatividade sira seluk, ne’ebe halao iha sala enkontru SEKOMS, Palásiu Governu, Dili.

“SEKOMS mós prontu atu fahe esperiénsia ba grupu feto sira, hodi hasa’e liután kualidade tuir matadalan ne’ebé SEKOMS prepara ona,” Osorio Almeida hateten liuhosi Komunikadu Imprensa ne’ebé Agência Tatoli asesu, kinta ne’e.

Xefe Gabinete SEKOMS ne’e husu ba partisipante sira atu uza oportunidade ho di’ak hodi aprende no hatutan ba grupu seluk iha futuru.

Formadór Constantino Brandão hateten, antes ne’e ekipa SEKOMS vizita ona fatin grupu sira iha munisípiu balun, ne’ebé foku liubá kreatividade produsaun materiál lokál aleinde suku roupa, soru tais, kuda modo no atividade sira seluk.

Alende ne’e, liuhosi formasaun ne’e hodi garante sustentabilidade grupu feto potensiál sira-nia ba futuru.

SEKOMS realiza formasaun ne’e hahú hosi 12-13 fulan-maiu 2022 ba partisipante sira maihosi munisípiu lima (5) mak hanesan munisípiu Dili, Manatutu, Ainaro, Manufahi no Covalima.

Jornalista : Nelia Fernandes

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here