SAMES oferese ai-moruk no ekipamentu médiku tipu regulár ba Hospitál Referál Oé-Cusse. Imajen espesiál.

OÉ-CUSSE, 12 maiu 2022 (TATOLI) – Servisu Autónomu Medikamentu no Ekipamentu Saúde (SAMES), kuarta ne’e oferese ai-moruk ho ekipamentu médiku hodi responde pedidu regulár hosi Hospitál Referál Oe-Cusse nian.

Diretora Apoiu Diagnóstiku no Terapioka iha Hospitál Referál Oé-Cusse, Catarina da Costa Conçeicão Anunu, informa, ai-moruk no ekipamentu ne’ebé SAMES oferese ba Hospitál Referál Oé-Cusse ho regularmente.

Hospitál Referál Oé-Cusse, nia ai-moruk sempre mai hosi armazein sentrál SAMES, kona-ba distribuisaun ai-moruk no ekipamentu, bainbain ita halo pedidu submete maka foin aprova, ida-ne’e pédidu atu responde ita-nia pedidu regulár ba fulan ida tomak,” Catarina Anunu, ko’alia iha Hospitál Oé-Cusse, kinta ne’e.

SAMES oferese ai-moruk no ekipamentu médiku tipu regulár ba Hospitál Referál Oé-Cusse. Imajen espesiál.

Nia informa, pedidu ba ai-moruk iha tipu tolu, pédidu regular, pedidu emerjénsia no pedidu estra, atu atende pasiente sira ho situasaun emerjensia ka halo konsulta iha Hopsitál Referál.

“Horsehik kuarta ai-moruk to’o Oé-Cusse liuhosi terrestre ho kuantidade iha kategória barak mak apoia mai hospitál Oé-Cusse, hanesan ai-moruk esensiál, ai-moruk vitál,” Diretora apoia Hospitál ne’e akresenta.

Nia fundamenta, ai-moruk esensiál sira-ne’e uza kada loron, hanesan amoksilin, parasetamól, kontri no sipro, ba emerjénsia ne’e mak atende kazu urjensia ne’ebé presiza, no ai-moruk vitál ne’e persiza iha nafatin tanba uza atu salva vida, hanesan epinifrizér, frosimit ai-moruk sira-ne’e tenke iha tanba ne’e ai-moruk emerjénsia.

“Ne’ebé ai-moruk mai iha horsehik kuantidade hamutuk item 50-resin, oksijéniu hamutuk 120, ekipamentu médiku, ekipamentu ba sala operasaun nian, ne’ebé ita agradese tanba maske ho situasaun difisíl maibé ekipa SAMES konsege atende ita-nia pédidu sira-ne’e,” nia orgullu.

Jornalista   : Abílio Elo Nini
Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here