Diretóra Jerál Prestasaun Saúde, Ministériu Saúde (MS), Odete Viegas da Silva. Imajen/Egas Cristovão

DILI, 12 maiu 2022 (TATOLI)— Ministériu Saúde (MS), hahú prepara ekipa atu koordena ho ministériu relevante sira hodi halo inspesaun ba otél sira ne’ebé bainaka espesiál hosi rai li’ur mai hela hodi prevene kontajia COVID-19 no surtu dengue. 

Atu garante Saúde ba bainaka sira, ekipa MS liuhosi  Saúde ambientál sei koordena ho Ministériu Administrasaun Estatál (MAE) no Ministériu Negósiu Estranjeiru no Kooperasaun (MNEK),  halo inspesaun no fumigasaun ba otél sira ne’ebé bainaka sira atu mai hela hodi partisipa seremónia investidura Prezidente Repúblika eleitu no restaurasaun Independénsia, loron 20 maiu.

Notísia relevante: Ramos Horta propoin konvida bainaka espesiál no líder mundiál 18

“Hahú loron 16 maiu ba oin ekipa saúde sira sei halo servisu inspesaun ba otél sira, nune’e ha’u mós preokupa oituan hodi husu lista bainaka, maibé MNEK no MAE hateten katak hahú segunda mak lista finál tama,” Diretora Jerál Prestasaun Saúde Ministériu Saúde, Odete da Silva Viegas hateten  iha nia knaar fatin-Caicoli, kinta ne’e. ohin.

Ministériu Saúde liuhosi ekipa saúde ambientál iha responsabilidade atu prepara ekipa primeiru sukoru no halo inspesaun ba otél sira ne’ebé bainaka VVIP sira hela tanba daudaun COVID-19 eziste hela no presiza halo medida prevensaun nian.

“Ita haree mós ba fatin ka otél sira atu halo fomigasaun tanba surtu dengue mós eziste iha ita- nian rai,” nia informa.

Nune’e Ministériu Saúde halo ona kontaktu ho MNEK no ekipa hosi Prezidente Repúblika  eleitu José Ramos Horta  atu fó lista otél sira ne’ebé bainka espesiál sira sei hela hodi halo inspesaun.

“Maibé too agora ami foin hetan otél Timor Plaza, Hotel Timor no Hotel Novo Turizmo, entaun too loron 16 maiu mak hetan totál  otél sira hotu inklui mós apartamentu ne’ebé mak Governu aluga karik  ida ne’e ekipa sira sei ba haree halo inspesaun,” nia afirma.

Maski, Diretora Jerál ne’e dehan seidauk hetan lista otél sira, maibé ekipa saúde ambientál no ekipa ambulánsia preparadu ona halo halo inspesaun no primeiru sukoru.

“Ita sei tau médiku no enfermeiru inklui kondutór  iha otél sira  atu nune’e bainaka sira presiza bele fó asisténsia saúde no presiza duni diagnostiku ruma mak ita  lori ba Hopsitál Nasionál Guido Valadares  (HNGV ),” nia akresenta.

Profisionál Saúde ne’ebé tama ekipa primeiru sokoru hamutuk na’in-20 resin ne’ebé inklui ona koloka ba otél no aeroportu.

MS mós hahú prepara karreta ambulánsia neen iha Tasi-Tolu, rua  iha otél sira no ambulánsia seluk halo mobilizasaun  tanba serimónia ne’e la’ós partisipa hosi bainaka sira, maibé komunidade sira mós  partisipa, nune’e Sentru Saúde Comoro preparadu atu fó atendimentu saúde.

Notísia relevante: MI-PNTL diskute estratéjia fó seguransa ba bainaka espesiál hosi rai li’ur

Jornalista : Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here