Imajen/Media PR.

DILI, 12 maiu 2022 (TATOLI)—Parlamentu Nasionál liuhosi reuniaun plenária extraordináriu aprova projetu rezolusaun PN númeru 93/V(4a), kona-ba Pás Mundiál, Fraternidade Umana no Koexisténsia Komun ho unanimidade ho rezultadu votasaun a-favór 60, kontra no abstensaun 0.

Notísia Relevante: Ramos Horta-PPN ko’alia TL atu adota deklarasaun Pás Mundiál

Ramos Horta-PPN ko’alia TL atu adota deklarasaun Pás Mundiál

“Nune’e, projetu rezolusaun PN númeru 93/V(4a), kona-ba Pás Mundiál, Fraternidade Umana no Koexisténsia Komun ne’ebé Timor-Leste hanesan nasaun primeiru adota dokumentu ne’e,” Prezidente Parlamentu Nasionál, Aniceto Guterres, anunsiu iha sala plenária, kinta ne’e.

Assembleia Jerál Nasaun iha fulan dezembru 2020 marka iha loron 04 fevereiru hanesan loron internasionál Fraternidade Umana, konsidera loron ne’ebé asina deklarasaun Abu Dhabi 04 fevereiru 2019 entre Santidade Papa Francisco ho Saserdote Musulmanu Al-Azhar, Ahmad Al- Tayyeb.

PN luva konteúdu deklarasaun kona-ba fraternidade umana ba pás mundiál konvivensia komun no konvite promosaun justisa, pás, direitu umanu no liberdade relijioza.

Kongratula esforsu dezenvolve relasaun internasionál pasífika hosi parte subskritór mensajen, konsiente diálogu, kompreensaun, difuzaun kultura toleránsia, aseitasaun konvivénsia entre ema umanu kontribui signifikante ba redusaun problema oioin hanesan ekonomia, sosiál, polítika no ambientál ba parte jéneru umanu.

Reafirma igualdade entre mane no feto ba rekuñesimentu direitu instrusaun ba servisu no exersísiu direitu polítiku, rekuñese pluralidade relijiaun no liberdade kredo, pensamentu, expresaun no asaun enkuantu pilár demokrátiku.

Valoriza vizaun relijiaun hanesan promotor ba pás, koñesimentu mutúo, fraternidade umana no konvivensia komun no perspetiva dezafiu komun koloka umanidade, pás, hahán, ki’ak, alterasaun klimátika, saúde públika, konsiente nesesidade resposta komun komunidade internasionál.

Toma konta situasaun polítika mundiál atuál ho pás, diálogu no respeitu direitu umanu, ho nune’e Parlamentu Nasionál deklara kompromisu ho valór pás diálogu respeitu direitu umanu no louva deklarasaun refere no ONU estabelese ona sai loron mundiál ba fraternidade umana.

Ho ida ne’e, husu Governu promosaun valór fraternidade umana iha planu internu liuhosi medida konkreta hodi mellora bem-estar sidadaun Timor-Leste, nível multilateral, liuhosi doasaun protetora no promosaun konvivénsia pasífika entre povu.

Enkuantu projeitu rezolusaun ne’e aprezenta hosi Deputadu Fretilin, Antónino Bianco, Deputadu PD, António da Conceição, Deputadu PUDD, António de Sa Benevides, Deputada FM, Isabel Ximenes no Deputada PLP, Maria Angelina Sarmento.

Jornalista : Nelson de Sousa

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here