Ilutsrasaun bee hemu ho kualidade.

DILI,12 maiu 2022 (TATOLI)—  Ministériu Saúde ho liña ministeriál, kinta ne’e, realiza enkontru koordenasaun hodi haforsa  sistema kontrolu kualidade bee hemu ne’ebé durante ne’e populasaun konsumu iha Timor-Leste.

“Ita ko’alia bee hemu ho kualidade la’ós ministériu saúde nia papél mesak, maibé liña ministeriál hotu   atu oinsá kontrolu fornesimentu bee no produsaun bee iha ita-nia rain atu populasaun bele hemu bee ida ho kualidade,” Diretora Jerál Prestasaun Saúde iha Ministériu Saúde, Odete da Silva Viegas, hateten ba inform aba jornalista sira bainhira remata enkontru koordenasaun atu haforsa  sistema kontrola kualidade bee hemu iha Timor Leste iha salaun Ministeriu Saúde Palasiu Sinzas ohin.

Enkontru koordenasaun ne’e hanesan mekanismu koordenasaun entre instituisaun relevante  atu haree ida idak nia papél hodi haforsa Sistema kontrolu hodi kontribui ba kualidade bee hemu  hodi garante saúde públika iha Timor-Leste.

Liña ministerial ne’ebé envolve ba kontrolu Sistema bee hemu iha Timor-Leste mak Autoridade Nasionál Agua no Saneamento (ANAS.IP, Autoridade Inspensaun no Fiskalizasaun Atividade  Ekonomia no Sanitaria  (AIFAESA), Bee Timor Leste (BTL), Laboratóriu Nasionál Saúde  liuhosi Diresaun Teknolojia, ne’ebé hetan apoia asisténsia téknika mak Fundu Nasaun Unida ba Labarik  (UNICEF), AjÉnsia Internasionál Kooperasaun Japaun (JICA).

“Ita haree Kompaña lubuk mak halo produsaun bee hemu iha Timor-Leste ne’ebé ita presiza haree no kontrola inklui regula atu garante kualidade bee atu populasaun bele konsumu ho di’ak liuliu labele hetan moras diareia no seluk tan,” nia akresenta.

Iha biban hanesan, Sub-Inspetór Jerál AIFAESA, Deonisio Neto da Silva, hateten  presiza duni iha kontrolu ba bee-moos liuliu bee konsumu sira iha Timor-Leste no importa hosi rai li’ur atu garante saúde públika.

“Ita-nia rain mós halo produsaun ba bee hemu, nune’e AIFAESA prefere kontrolu bee ho rigor tanba bee liga ba iha saúde publika,” nia afirma.

Notísia relevante:MKAE konsidera produtu bee Gota iha kualidade ba konsumu nasionál

Jornalista : Felicidade Ximenes

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here