Administradór Postu Admistrativu Venilale, Miguel Mendes Guterres. Imajen Tatoli/Natalino Belo.

BAUCAU, 12 maiu 2022 (TATOLI) – Autoridade postu admistrativu Venilale liuhosi karta sirkulár husu venilale oan atu hatudu espiritu nasionalismu liuhosi partisipasaun no kontribusaun hodi selebra loron restaurasaun independénsia 20 maiu ba dala-XX ne’e.

Administradór Postu Admistráaivu (APA) Venilale, Miguel Guterres, hateten autoridade postu establese ona komisaun organiazadora hanesan parte hosi preparasaun ba loron nasionál 20 maiu.

“Ami iha ona karta sirkulár kontribusaun ruma atu fó ba sira hodi kontribui tuir sira-nia konsénsia atu suporta orsamentu ne’ebé limitadu, ha’u la hatete montante hira depende fó tuir sira-nia konsénsia no iha responsabilidade,” Administradór postu Venilale hateten iha Vila Antiga, kinta ne’e.

Konteúdu karta sikulár refere atu husu kontribusaun ba Venilale oan hanesan funsionáru, veteranu no emprezáriu sira hodi kontribui orsamentu ba preparasaun selebrasaun loron restaurasaun independénsia tuir konsiénsia rasik espesiál ba komunidade iha área suku Uatuhaco no Uailaha.

Tuir planu programa komisaun organizadora ba eventu loron nasionál iha Venilale sei realiza aktividade hanesan misa ba eroi nasionál iha loron 19 maiu ne’ebé responsável hosi estudante Institutu Siénsia Saúde (ICS, sigla portugés), hasa’e Bandeira iha loron 20 maiu responsável hosi estudante ensinu sekundária Katólika João Paulo Venilale.

Komisaun organizadora rasik instala ona seksaun sira tuir kna’ar no responsabilidade maibé sei hein desizaun finál iha loron 15 maiu bainhira realiza enkontru ikus hodi hatene loloos totál orsamentu ne’ebé komunidade sira kontribui hodi aloka tuir planu programa no atividade ne’ebé komisaun organizadora rasik prepara ona.

“Ida-ne’e mak preparasaun simples no tuir orsamentu no tempu ne’ebé limitadu,” Miguel Guterres akresenta.

Totál orsamentu ne’ebé aloka ba selebrasaun loron restaurasaun independénsia 20 maiu hamutuk rihun $6.000 ne’ebé aloka ba kada postu administrativu $750 no munisípiu hamutuk $1.500.

Jornalista    : Natalino Belo

Editór           : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here