Progresu preparasaun ba fatin serimónia investidura Prezidente Repúblika eleitu períodu 2022-2027 iha 19 maiu 2022 iha Tasi-Tolu, Dili, tersa (10/05/). Imajen Tatoli/Antonio Daciparu.

COVALIMA, 11 maiu 2022 (TATOLI)—Prezidente Komisaun Organizadora, Martinho Moniz dos Santos informa, atu komemora loron restaurasaun independensia Timor-Leste ba dala-XX (20 maiu 2002-20 maiu 2022) postu administrativu Zumalai sei husu de’it misa agradesimentu no la realiza atividade animasaun tanba orsamentu la sufisiente.

“Kona-ba atividade animasaun ha’u hanoin bazea ba fundu ne’ebé mak iha loron 19 fulan-maiu ne’e ami hala’o misa agradesimentu atividade seluk laiha, tanba laiha orsamentu atu realiza atividade animasaun,” Martinho Moniz dos Santos informa ba Agência Tatoli, iha edifísiu postu administrativu Zumalai, kuarta ne’e.

Postu administrasaun Zumalai la realiza animasaun hodi komemora loron independénsia tanba bazea ba orsamentu ne’ebé hosi administrasaun aloka ba postu Zumalai hamutuk $750.00

“Ho orsamentu ne’ebé mak ami iha hanoin iha loron 20 fulan-maiu ne’e mak ami realiza serimónia isár bandeira de’it,” nia dehan.

Xefe suku Tashilin, Martinho Magno, reforsa nia parte sei prepara komundiade sira-ne’ebé atu partisipa serimonia isar Bandeira iha loron 20 fulan maiu ne’e konaba atividade ida ne’e kompetensia hosi komisaun organizadora sira.

“Ha’u prepara de’it ha’u-nia komunidade sira hodi partisipa serimónia isár bandeira iha loron 20 fulan-maiu ne’e,” nia dehan.

Antes ne’e, Administradór postu administrativu Fatumea mós informa nia sei la realiza atividade animasaun ho komunkidade sira hodi komemora loron restaurasaun independénsia Timor-Leste tanba orsamentu la sufisiente.

Maske atu komemora loron independénsia Timor-Leste ho orsamentu ne’ebé mak kiik maibé administradór Benedito Maia ho nia xefe na’in-haat hola inisiativa hamutuk ho veteranu no funsionáriu sira halo kontribuisaun osan hodi realiza atividade animasaun hanesan tebes oras naruk no seluk tán.

Jornalista : Celestina Teles

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here