Ministru Asuntu Kombatente Libertasaun Nasionál, Júlio Sarmento da Costa "Meta Mali". Imajen/Egas Cristovão.

DILI, 11 maiu 2022 (TATOLI)–Ministru Asuntu Kombatenete Libertasaun Nasionál (MAKLN), Júlio da Costa “Meta Malik”, hateten veteranu 20-24na’ iha Lautém haruka karta pedidu ba Ministériu Justisa (MJ) atu halo uma iha bairru ida nune’e bele estabelese bairru ida naran “Bairro dos veteranu”.  

Notísia Relevante: Governu sei harii uma ba veteranu hamutuk 117 pur etapa

“Veteranu Lautém besik na’in-20 planu halo uma konjunta iha bairru ida no sira halo karta haruka mai no halo pedidu ba Ministériu Justisa (MJ) no MJ konkorda ona atu halo uma iha bairru ida-ne’ebé ho naran bairru dos veteranu. Iha tempu ne’ebá kedas ha’u ko’alia ho MJ atu konsidera pedidu,” Meta Malik hateten Agência TATOLI, hafoin partipa diskusaun OR, iha Parlamentu Nasionál, kiuarta ne’e.

Tuir nia, veteranu barak mak sei hela iha merkadu no rai estadu nian maibé MAKLN nafatin kolabora ho MJ atu bele fó lisensa ba sira.

“Tanba ne’e ami servisu hamutuk ho MJ atu haree sira-ne’ebé mak laiha rai, keta okupa hela rai Esatdu karik MJ pelumenus fó lisensa ba sira, nune’e fó netik rai pedasuk ba sira para bele halo uma,” nia hateten.

Nia dehan konstrusaun uma veteranu tinan 20-24 ho osan miliaun $2.4 ne’ebé hala’o iha tinan 2020 to’o agora, no atribuisaun ne’e ho osan montante rihun $40 kada veteranu ba konstrusaun uma.

“Hanesan ita hatene, ami atribui ona ba totál veteranu 118 no ida la konsege tanba Lacluta oan ne’e mate ho klosan no osan sei fila ba kofre estadu,” nia dehan.

Hosi veteranu ne’e, Governu foin entrega uma ualu ba na’in mezmu halo iha tinan 2020 tanba pandemia COVID-19, maibé MAKLN sei prepara ekipa konjunta ida kompostu hosi administrasaun MAKLN ho ekipa Konsellu Libertasaun no ekipa seluk ida hosi katuas veteranu F-FDTL, ne’ebé depois hein osan retifikativu ne’e hotu mak tuun ba terrenu hodi observa.

Entretantu, iha veteranu 20-24 balun ne’ebé mak sei la halo uma ba sira mak hanesan Primeiru Ministru, Taur Matan Ruak, Prezidente Repúblika, Francisco Guterres “Lú Olo”, no Lere Anan Timur.

“Maibé ita haree iha veteranu balun nia uma besik atu ramata ona no balun seidauk hanesan uma ida iha Ailook-Laran no Hudi-laran, Dili,” nia dehan.

Aleinde ne’e, govenante hateten iha tempu badak Governu sei kontrui mós veteranu 15-19 montante orsamentu miliaun $1,5 no iha faze dahuluk sei fó ba veteranu 40-resin.

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here