Diretór SEPFOP Munisípiu Covalima, Augusto Asis Gomes. Imajen Tatoli/Celestina Teles

COVALIMA, 11 maiu 2022 (TATOLI)—Sekretária Estadu Formasaun Profisionál no Empregu (SEPFOPE) Covalima, rejista kazu disputa laborál iha servisu fatin hamutuk lima (5) hahú iha janeiru to’o maiu 2022 ne’e.

“Kazu ne’ebé rejista iha tinan 2022 hahú fulan janeiru- maiu ne’e SEFOPE rejista kazu disputa laborál hamutuk lima (5) hosi kazu sira-ne’e ami rezolve ona liuhosi mediasaun,” Diretór Sekretária Estadu Formasaun Profisionál no Empregu (SEFOPE), Augusto Asis Gomes, informa ba Agência Tatoli iha nia knar fatin, Tabako Lot, kuarta ne’e.

Tipu kazu disputa laborál ne’ebé rejista iha SEPFOPE mak hanesan kazu disputa laborál kompensasaun servisu trabaldór ne’ebé servisu liu oras bainhira hakotu relasaun servisu traballadór hamutuk na’in-lima (5).

SEPFOPE halo mediasaun bainhira traballadór sira hato’o keixa mai iha SEPFOPE hato’o karta xamada ho durasaun tempu semana ida hodi fó opsaun ba kompañia fó servisu ka kontinua lori prosesu ba nivél arbitrajen Dili.

Ho nune’e, prosesu kontinua lori ba nivél arbitrajen ne’e partitisipa hosi reprezentante CC-TL, KSTL, SEPFOPE hodi bolu konsellu arbitrajen traballu hodi halo julgamentu ba traballadór ne’ebé mak iha problema ho kompañia sira.

Prosesu aprezenta ba iha arbitrajen ne’e servisu tenke tripartida no tenke halo juramentu hodi hato’o buat ne’ebé loos, se laiha solusaun sei lori prosesu ba iha tribunál. Traballadór ne’ebé hato’o keixa ba iha SEPFOPE mak kazu sira hanesan traballadór iha problema ho kompañia sira.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here