Ofisiál membru PNTL halo operasaun iha kapitál Dili, kinta (17/3). Imajen TATOLI/António Dasiparu.

DILI, 11 maiu 2022 (TATOLI)— Komandu Polísia Nasionál Timor-Leste (PNTL),munisípiu Dili hahú prepara ona ekipa konjuta ho membru 150 hodi asegura seremónia investidura Prezidente Repúblika (PR) eleitu, José Ramos Horta, iha loron 19 maiu ne’e.

Komandante Munisípiu Dili, Superintedente Xefe Henrique da Costa, informa hahú prepara ona  efetivu 150 hodi  asegura seguransa ba seremónia investidura PR eleitu iha loron 19 maiu no Restaurasaun Independésia ba dala-XX iha Tasi-Tolu, iha loron 20 maiu.  

“Ita prepara efetivu hamutuk 150 ne’e hosi Komandu munisípiu Dili de’it. Maibé iha posibilidade sei aumenta tanba seremonia investidura Prezidente Repúblika (PR) foun no seremonia Restaurasaun Independesia ba dala-XX iha Tasi-Tolu, nune’e bele evita problema,” Komandante Henrique hateten ba jornalista sira iha Caicoli, kuarta ne’e.

Nune’e, Komandante ne’e garante situasaun seguransa iha ámbitu seremónia investidura PR eleitu no Restauransaun Independésia dala-XX hodi la’o iha ho susesu no hakmatek.

PNTL mós ba sidadaun ka komunidade iha kapitál Dili atu kontribui ba pás no estabilidade  atubele fó susesu ba iha seremonia rua importante ne’e.

Jornalista: Natalino Costa

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here