Parlamentu Nasionál, kuarta (1/05) ne’e, aprova ona proposta Orsamentu Retifikativu ho montante biliaun $1,5 iha finál global. Imajen Tatoli/António Daciparu.

DILI, 11 maiu 2022 (TATOLI)—Parlamentu Nasionál (PN), kuarta ne’e, liuhosi diskusaun faze espesialidade loron daruak ba proposta Orsamentu Retifikativu (OR) aprova kria Fundu Kombatente Libertasaun Nasionál (FKLN) ho votu a-favór-36, kontra 21 no abstensaun neen (6).

Notísia Relevante: Fundu veteranu gasta hosi retornu investimentu

“Nune’e proposta lei artigu 4 ba kriasaun Fundu Kombatente Libertasaun Nasionál aprovadu,” Prezidente Parlamentu Nasionál, Aniceto Longuinhos Guterres Lopes, deklara iha plenária Parlamentu Nasionál, kuarta ne’e.

Proposta lei númeru 38/V(4a) 1/2022, primeiru alterasaun lei númeru 1/2022, 3 janeiru, OJE 2022, segundu alterasaun lei númeru 8/2008, 30 juñu, Lei Tributária, no kriasaun Fundu Kombatete Libertasaun Nasionál, ne’ebé iha artigu 4 kriasaun Fundu Kombatente Libertasaun Nasionál (FKLN).

Artigu ne’e deskreve kria fundu ne’e abreviadamente designa ba FKLN, ho natureza fundu autónomu, dotadu autonomia admnistrativa, finanseira no patrimoniál.

FKLN iha finalidade finansia programa apoiu ba kombatente libertasaun nasionál designa iha área apoiu sosiál, edukasaun, saúde, empregu, asesu kreditu atividade jere rendimentu.

No reseita FKLN konstitui dotasaun atribui mak hosi Orsamentu Jerál Estadu, rendimentu patrimóniu no investimentu finanseiru, no transferénsia doasaun entidade nasionál no estranjeiru, saldo jerénsia apuradu iha exersísiu orsamentál anteriór ho bens, rendimentu ka reseita atribui.

Hosi proposta lei ne’e, prevee Konsellu Administrasaun no órgaun kompetente ba jestaun FKLN kompostu hosi Primeiru-Ministru, prezidente, hosi membru Governu responsavél iha área kombatente libertasaun nasionál no finansa.

FKLN regulamenta hosi dekretu-lei no diploma refere iha númeru anteriór estabelese modelu investimentu verba fundu ho objetivu jere rendimentu asegura nia permanensia.

Membru Governu responsável iha área finansa autoriza kria títulu orsamentál ida relativu ba FKLN no transfere ba títulu ne’e verba billaun $1 dotasaun orsamentál inskrita iha kategória transferénsia públika ba títulu dotasaun todo Governo ho programa kódiku AA7, medida orsamentál komplementár, realiza alterasaun orsamentál nesesária aplika verba ne’e iha despeza.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here