Diretora Ezekutiva Laboratoriu Nasional Endang Soares da Silva. Imajen /Egas Cristovão

DILI, 11 maiu 2022 (TATOLI)— Diretora Ezekutiva Laboratóriu Nasionál Saúde (LABNAS), Endang Soares, informa konsege ezekuta ona Orsamentu Jerál Estadu (OJE) 2022 ho 12,24% ne’ebé ekivalente ho orsamentu $100.801.

Orsamentu tinan fiskál ne’ebé mak alokadu ba LABNAS hamutuk $823,345, ne’ebé fahe ba kategoria saláriu no vensimentu $364,039, bens no servisu $399,306, kapitál menor no kapitál dezenvolvimentu laiha.

“Orsamentu orijin hamutuk $823,345 ne’ebé ita ezekuta ona $100.801, iha trimestre dahuluk hahú hosi janeiru too marsu ho nia persentajen ezekusaun atinje ona 12,24%,” Diretora Ezekutiva Laboratóriu Nasionál Saúde (LABNAS), Endang Soares, hateten ba Agência TATOLI iha nia knaar fatin-Bidau, kuarta ne’e.

Atividade ne’ebé durante trimestre dahuluk Laboratóriu Nasionál Saúde (LABNAS) halo mak hanesan atividade teste amostra, bee, hahán, medikamentu, ambiente, teste mikrobiolojia, teste serolojia ba kimika PCR, tuberkuloze nomós COVID-19.

Iha tinan ne’e, orsamentu ba kapitál menór laiha, maibé aloka ba de’it iha boa governasaun, saláriu no vensimentu. Tanba boa-governasaun no jestaun instituisionál ba iha área abordajen integrada foka liuba finansa, administrasaun, lojístika, patrimoniu no planeamentu monitorizasaun estatístika no jestaun ba rekursu umanu.

Enkuantu LABNAS ho programa área saúde mak foka liu ba servisu saúde públika no servisu apoia klíniku liuliu diagnóstiku laboratoriál.

Entretantu, tuir portál transparánsia ne’ebé Agência TATOLI asesu  hahú janeiru too maiu, ho orsamentu orijen $823,345 konsege ezekuta ona 26,3%, kompostu  hosi komprimisiu sira $73,844.49, obrigasaun sira $5,848.14, atuál $10,887,16, Saldu $ 532,765,21.

Jornalista : Felicidade Ximenes

Editór         : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here