Diretór Ezekutivu Fundasaun K’nua Haberan Komunidade munisípiu Viqueque, Augusto Pinto. Imajen Tatoli/Vitorino Lopes da Costa

VIQUEQUE, 11 maiu 2022 (TATOLI)–Diretór Ezekutivu Fundasaun K’nua Haberan Komunidade (KHC) munisípiu Viqueque, Augusto Pinto, konsidera presiza sosializasaun lei poder lokál ba komunidade.

“Ha’u hanoin lei podér lokál ne’e  di’ak tanba atu fó kompeténsia ba munisípiu sira bele tuir lei ne’e, maibé presiza halo sosializasaun ba komunidade, nune’e parte hotu bele komprende,” Diretór Ezekutivu KHC informa ba Agência Tatoli, iha postu Viqueque vila, kuarta ne’e.

Nia dehan, Autoridade munisipál presiza iha kapasidade no koñesimentu jestaun hodi jere munsípiu ho di’ak.

“Prezidente promulga ona, ba oin ita presiza haree rekursu umanu ne’ebé iha, liuliu ita-nia lisensiadu sira iha munisípiu Viqueque. Nune’e bele hola parte iha prosesu dezenvolvimentu iha munisípiu. Lei barak ona maka ita aprova maibé seidauk implementa ho di’ak, entaun ita presiza haree rekursu umanu mediu nune’e bele sai jestór di’ak iha ita-nia munisípiu,” nia hato’o.

Notísia relevante: Komisaun A sei halo konsultasaun públiku kona-ba projetu-lei podér lokál

Tuir Diretór Ezekutivu fundasaun ne’e, atu hetan susesu iha implementasaun poder lokál no dezentralizasaun, maka iha futuru Viqueque-oan sira presiza serbisu hamutuk.

Implementa lei podér lokál fó kompeténsia ba jestór sira atu administra servisu hotu iha munisípiu Viqueque, maibé Governu sentrál maka sei halo jestaun ba finansa.

“Tanba ita seidauk iha esperiénsia, dala ruma sei dezentraliza uluk administrativa, hafoin maka Governu no Parlamentu Nasionál aprova tan lei finansa nian, nune’e bele sentraliza finansa iha munisípiu,” nia tenik.

Jornalista : Vitorino Lopes da Costa

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here